八寶清湯腩 x 天后美食 x 清湯腩田中慕名而黎，想叫個崩沙腩食，但未夠1點已經大排長龍，賣到斷市！以前都有唔少報道介紹過，香港最出色嘅牛腩鋪，都係賣全港限量嘅新鮮騸牯牛，只有少數餐廳入到貨，而八寶清湯腩就係其中一間。所以田中果日一點遠道而黎，都搶唔到最招牌嘅牛腩部位。。。 🥩清湯蘿蔔牛腩麵 ($55)1️⃣經常有人誤會，清湯係譚仔果種清湯，咁就錯啦！出色嘅清湯腩係用上牛骨煲成，而八寶嘅清湯最出名就係加入藥材，每一啖都鮮甜帶有牛香。2️⃣呢到最出名嘅係爽腩/崩沙腩/坑腩，田中係搶唔到嘅。。。所以叫左最基本嘅牛腩，但睇圖都見到肥瘦分明，而且完整一片片，淋嘅程度可以用綿滑黎形容，牛油味散發整個口腔。3️⃣蘿蔔唔算太入味，不過勝在夠淋夠清甜。👍🏻9/10 🍜清湯蘿蔔貢丸撈河 ($55)1️⃣貢丸感覺比平時大粒，係乒乓波嘅size，彈牙，不過其實都係平時嘅貢丸咁啦，食返牛腩就最正。2️⃣但撈麵真係唔好叫河粉！河粉係黏性重，會痴埋一餅，而且味道非常淡，可能其他麵底會好啲。👍🏻6/10 八寶清湯腩 (天后電氣道124號榮華大廈地鋪)想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
