燒肉癮起，當然黎安平燒肉開餐，始終一直以黎食開都選擇多又食物質素好，性價比一流😎今次揀左澳洲M5和牛吃到飽套餐($418/每位) 座位闊落，多人或者少人嘅聚會都有適合嘅枱安排到😄 自助區：多款蔬菜配料可以拎 櫻花蝦拌飯：自助區有個位置可以自己DIY，有櫻花蝦、香蔥、海苔、滷水汁等配料，份量可以按照自己喜好添加，整一碗調專屬自己口味嘅拌飯，相當惹味🥰 飲品區：自家製茶類、罐裝、紙包飲品應有盡有😉 調味醬：有辣椒醬、安平黃金醬、玫瑰岩鹽、特調醬油、檸檬汁，按照食物同個人喜好而點黎調味😄 牛肉類：點得呢個套餐當然要勁食是澳洲M5和牛肩胛肉、安格斯牛小排同嚴選裙邊牛柳😎，肉質鮮嫩多汁，味道濃郁，令人回味無窮🤤美國SRF極黑牛食落都唔錯，三角牛肩肉和山椒牛柳丁各有特色，前者肉質緊實，後者則帶有微微山椒香氣，別具風味😉蘭王蛋月見牛幾特別，蘭王蛋濃郁蛋香同牛肉鮮美完美結合😋鹽選牛舌幾有口感喺自助區拎D生菜夾埋D肉黎食幾清新解膩👍🏻 海鮮類：爽彈虎蝦肉質緊實夠彈牙，燒帆立貝鮮甜可口。鹽蒜燒生蠔蒜香調味得幾滋味，烤中卷彈牙口感，屏東燒魚腹豐富魚油香氣，而烤魚乾香口惹味，送酒一流😋 雞料理方面，老虎雞翼醃得幾惹味，燒到外皮微焦香就效果更佳，五香辣味雞心同香辣腎片則以其獨特香料味道和彈牙口感，值得一食😉 小食都充滿台灣風味，黃金泡菜同涼拌小黃瓜夠開胃。澎湖花枝排外層香脆內裡彈牙鮮甜，正👍🏻飲品除左出面自助區拎之外，仲有幾款要手機落單，有檸檬阿里山紅茶，百香果綠茶同紅火冰茶，個人幾推薦紅火冰茶，味道滲透出火龍果清甜味又夠解渴😉 後甜品少不了HAAGEN-DAZS雪糕同安平仙草芋圓🥰 走嘅時候先發現原來有個分店限定MENU，月光族急救吃到飽，做左會員最平$168就食得，食物選擇當然冇咁豐富，但可以以平D嘅價錢，手頭緊都可以享受到燒肉嘅樂趣😄-安平燒肉📍荃灣眾安街55號大鴻輝(荃灣)中心17樓
