天氣轉冷又係時候打邊爐,今次黎到牛之鍋,原來除左火鍋之外,仲有好多唔同類型野食😍同朋友叫左風味烤鰻火鍋放題:烤鰻+B套餐($316/位),任飲任食120分鐘 店內乾淨企理,卡位都夠大,坐得幾舒服😁 QR CODE落單外,出面自助區有好多蔬菜配料可以夾😄 飲品應有盡有,除紙包、罐裝飲品外,仲有酒精類飲品同自家製樽裝茶😄 風味烤鰻:先送上烤鰻,佢有麻辣味同醬香味可以選擇,我地揀左醬香味,烤鰻燒得好香脆,而且肉質幾軟嫩,用上佢哋特製嘅醬汁,味道香濃而唔會過甜😊食完覺得唔夠嘅話,仲可以叫職員REFILL烤鰻添😎食完烤鰻之後,就叫職員加湯入鍋然後打邊爐 肉類:叫左美國極上牛肉、美國肥牛肉、草飼牛舌、澳洲牛肩胛肉眼、五香雞件等,牛肉簡單淥10秒左右就食得,美國極上牛肉、美國肥牛肉肉質細嫩兼肥美,而且油份豐富😋澳洲牛肩胛肉眼有牛肉嘅鮮甜,入口即溶🤤五香雞件入味兼嫩滑 海鮮:有生猛海蝦、原隻鮑魚、大扇貝、大白蜆、韓國蠔肉、滋補花膠等,原隻鮑魚入口爽彈,味道勁鮮甜唔會膩🤤蠔肉味道濃郁,花膠口感唔錯,海鮮整體黎講都幾鮮甜😍火鍋配料:炸魚皮、腐皮響鈴、芝士波波腸、手打牛肉滑、八爪墨魚滑、牛柏葉、貢丸、流心芝士丸、台灣鴨血、鮑片、鵝腸等基本嘅火鍋都一應俱全😋 刺身:一共有帶子、甜蝦、赤貝、三文魚、泰式生蝦、希靈魚、八爪魚、北寄貝等八種刺身可以嗌,冇諗過火鍋放題都有刺身任點咁正😋輕輕點醬油同埋芥末,提升咗刺身嘅鮮味😍壽司:款式選擇比想像中多,嗌左火灸芝士蝦壽司、芒果吉列蝦卷、黑松露帶子壽司、海膽魷魚軍艦、鮑魚軍艦、花之戀壽司、明太子龍蝦沙律軍艦、三文魚沙律軍艦,D飯唔會話一夾就散,水準都唔錯😋特別一讚就係黑松露帶子壽司,黑松露嘅香氣同埋帶子嘅鮮甜相互襯托,非常滿足🤤 沙律:蟹子沙律、海蜇沙律、涼拌麻辣魚皮等三種沙律,每一種各具特色😍海蜇沙律有爽脆同埋醋嘅酸甜,涼拌麻辣魚皮彈牙帶點麻辣,幾惹味😊 炸物:食左芝麻雞翼、吉列炸蝦、雞皮餃子、酥炸韓國蠔、榴槤炸彈、日式章魚燒,炸得好香脆,而且唔會太油😉雞皮餃子幾特別又好味😎 燒物:燒脆皮台灣腸、鹽燒海蝦、雞軟骨串、烤日式魚乾、燒菠蘿,燒得幾香而且唔會乾晒身😋烤日式魚乾好適合送酒食,燒菠蘿夠JUICY😊 甜品:最後環節少不了甜品,楊枝甘露、咖啡奶凍、宇治抹茶芭菲、精選綿綿冰、榴槤甘露、榴槤班戟、榴槤芭菲,芭菲杯整得夠靚勁吸引😍而作為榴槤愛好者,咁多款榴槤甜品選擇當然都要食晒佢🤤由烤鰻,再火鍋、刺身、壽司、炸物、燒物、甜品,真係食極都仲有🤩食物類別選擇多之餘,最緊要係味道水準高,加埋職員服務效率都幾高,讚👍🏻-牛之鍋📍銅鑼灣堅拿道西10號冠景樓2樓A號舖