牛大人台灣火鍋吃到飽 (瓊華中心) @masterbeef.hk📍旺角彌敦道628號瓊華中心9樓-今次同朋友再訪牛大人，唔使諗一定揀返澳洲極上和牛吃到飽($328/位)，120分鐘吃到飽😉最多野食最豐富😁 店舖裝修新淨企理，空間感大，座位都幾寬敞，唔會覺得擠迫😊 主要食物經QR CODE落單，另外出面自助區仲可以拎蔬菜、丸類、麵類等配料👍🏻自家製茶類、紙包、罐裝飲品一律俱全😄 梅甘酥脆薯、士林鹽酥雞(辣) 、真豬小香腸：趁火鍋配料未熟嘅時候，最好就係食住台式小吃等，都幾香口有風味😁 台灣鳳梨雞鍋：見佢幾特別而且係推薦湯底之一，所以揀左佢，以鳳梨、雞肉、苦瓜、小魚乾等熬製而成，湯底好香甜幾有特色😋點擊圖片放大 澳洲和牛牛丸：揀澳洲極上和牛吃到飽套餐會每位贈送2粒，牛味香濃，非常彈牙爽口😋點擊圖片放大 肉類：我地當然要試下佢哋嘅招牌澳洲和牛M5牛肩卷啦，肉質好嫩滑，肥瘦適中，淥一陣就可以食得，好香口😍仲有SRF美國黑牛後腿肉、手切封門柳、安格斯牛小排等等都好靚同埋夠薄，唔會覺得乾身😉牛胸爽同豬雪花肉片都幾彈牙👌🏻安格斯一口牛肉粒牛味都幾正😊 海鮮類：我地都試左幾款海鮮類嘅食材，鮮甜海蝦就好彈牙，新鮮沙白就肉質幾緊實，美人花膠就好有咬口😋脆肉鯇魚腩同脆肉鯇魚片就好香滑，真台灣鯛魚片就好清甜😊 私房鴨血(辣)：非常嫩滑，而且少少辣辣地，幾滋味，必食😋 水蓮：台灣嘅菜類黎，香港比較少地方有得食，口感清脆爽口，幾特別😋 芝麻麻吉燒、花生麻吉燒：煙韌Ｑ彈，湯丸嘅感覺，但意外地打邊爐黎食又幾唔錯😄 漿類：我地都試左佢哋嘅黑松露海鮮漿、蟹籽墨汁漿同澎湖花枝漿，都係用新鮮嘅海產製成，夠晒彈牙，幾香口同埋有層次感😊 飲品：落單仲有烏梅汁、金桔椰果、酸梅汁等等可以任飲，都幾解渴同埋清涼😎 去到臨尾LAST ORDER有得揀MOVENPICK雪糕或台中仙草凍，今次揀左台中仙草凍，非常足料嘅台式甜品，食完非常滿足🥰總括黎講，牛大人價錢經濟實惠，選擇多又新鮮，重要係和牛質素好高，ENCORE好多次仍保持到水準之上👍🏻
