見朋友仔不斷出POST放閃台灣旅行美食，搞到我都想食台灣燒肉🥲首選當然係安平燒肉，有幾款價錢可以揀，識食當然係揀澳洲M5和牛套餐 ($418/每位)，任飲任食120分鐘，一共有104款食物可以點😎 張枱同坐位夠闊落，落ORDER食物多多都唔怕冇位放😉 出面自助區拎蔬菜配料，有粟米、洋蔥、車厘茄、菠蘿、玉米笋、香菇、包肉生菜等，仲可以自製台式拌飯😄飲品除左出面自助區拎紙包/罐裝飲品同自家製冷泡茶之外，仲可以QR CODE落單手調飲品醬料有辣椒醬、安平黃金醬、玫瑰岩鹽、特調醬油、檸檬汁，可以按照個人口味同唔同食物配搭點選調味😄點擊圖片放大 嚴選牛舌芯：揀澳洲M5和牛套餐每位會贈送2件，食落嫩滑而且好有彈性，幾有口感😋 牛類：揀得最貴價錢嘅套餐，一定主打食安格斯牛小排、澳洲M5和牛肩胛肉、美國SRF極黑牛等高質嘅牛肉，油花分佈平均，而且切得薄身，放喺燒爐上面烤幾下就可以食，非常之快捷方便😁牛肉食落比想像中嫩滑同香口，點埋安平黃金醬或者特調醬油，再用生菜包埋食就最正🤤點擊圖片放大 海鮮：有鹽蒜燒生蠔、烤魚乾、燒帆立貝、爽彈虎蝦等等，睇落都充滿光澤幾新鮮下。燒帆立貝本身有一小片牛油，可以帶出帆立貝嘅鮮甜🤤虎蝦非常大隻，最緊要食落極之彈牙，ENCORE左好幾轉，私心推介🤩鹽蒜燒生蠔記得要燒耐D熟左先好食，本身已經有鹽蒜調味，夠晒滋味😋豬肉：今次嗌左薑汁厚切雪花豬、原住民鹽燒肉，切得好大片同厚實，而且有啲肥瘦相間，燒出油香再食都幾正😍 台式小食：都有好幾款可以選擇，例如黃金泡菜、澎湖花枝排、金沙翠玉苦瓜、涼拌小黃瓜，幾中意金沙翠玉苦瓜嗰隻甘苦嘅味道，涼拌小黃瓜幾清新爽脆、澎湖花枝排彈牙香口😍 薑母茶沙瓦：而家做緊買一送一，將薑母茶同埋沙瓦混合而成，帶點少少酒香，味道口感都幾特別😉紅火冰茶：裡面有D火龍果肉，少少甜，帶點果香幾清新😎百香果綠茶：甜甜地，而且幾凍涼解渴😁 最後甜品可以揀Haagen Dazs雪糕或者安平仙草芋圓，同朋友各要一款，食埋劃上完美句號🥰種類選擇眾多，而且無論小食、烤肉、海鮮、甜品同飲品嘅質素都水準之上，真係食極都唔會厭👍🏻-安平燒肉📍旺角彌敦道593-601號創興廣場9樓
