朋友話想食放題，咁就一定係ENCORE極尚大喜屋，地點就腳方便，食物飲品種類選擇多兼且水準唔錯👍🏻今次我地平日5點半入座，晚市成人放題($298/每位)，任飲任食120分鐘 呢到座位非常闊落，而且燈光環境夠光鮮，夠晒舒服😄 點擊圖片放大 +4 QR CODE落完ORDER等待期間，最好就係去自助區拎D野食食住等😉有冷盤海鮮、熟食類、中式點心區、前菜、生果、飲品類、甜品區，無論出面自助區同QR CODE落單都勁多選擇，真係花多眼亂😍 刺身類：呢個係一個好豐富嘅刺身拼盤，包括有松葉蟹腳、三文魚、油甘魚、池魚王刺身、北海道鮮帶子、希靈魚、北寄貝、赤貝、馬刀貝、榮螺、蜜汁鮑片、甜蝦、極品大赤蝦、冰鎮柚子海蜇等等，睇落新鮮好有光澤，肥美而且充滿魚油香味，至於貝類幾彈牙爽口😎 幾中意呢到都幾多創意壽司，夠晒新意而且好有驚喜😍例如芝士飛魚籽玉子燒、牛油果醬拌松葉蟹肉、寶石拌龍蝦沙律多士、魚籽玫瑰墨魚蝦、七味芝士蒜蓉大蝦、黑松露蟹肉芝士軟殼蟹卷、彩色芒果吉列蝦卷，賣相精緻食落唔錯😉而傳統壽司味道拍得住一般壽司店味道水準，魚籽醬北海道帶子、牛油果醬吞拿魚、白松露油甘魚腩、鹽燒左口魚、拖羅蓉軍艦等等，呢D都係我心頭好，值得ENCORE👍🏻同埋佢D壽司唔會話太大件，所以可以試多D唔同口味都唔驚太快飽😆 金湯慢煮鮑魚花膠盛：每次黎到必點嘅菜式，做到中式酒樓水準，味道香濃而花膠大大塊，仲有埋鮑魚仔，回本之選🤤 避風塘軟殼蟹、金蒜蓉粉絲蒸扇貝、川味燒鮮蠔：呢幾款海鮮本身都唔錯，再加埋佢呢到整D炸蒜勁香口惹味，食到停唔到口😋 香煎虎蝦拌黑松露忌廉汁：幾中意佢個黑松露忌廉汁，CREAMY香濃，虎蝦肉彈牙，中間切半，方便食用😋 極品金枕頭榴槤燒：對於榴槤愛好者黎講真係好開心，冇諗過而家放題都有得食，當然要食返幾件滿足一下🤩 仲有好多種嘅熟食，未能一一盡錄，蜜椒薯仔牛柳粒、牛油炒粟米、芝麻雞翼、燒溫室甜菠蘿、鹽燒牛舌、鹽燒雞翼等等，都係滋味之選😋 而天婦羅蝦、皇帝蟹棒天婦羅、蕃薯仔天婦羅呢類炸物小食，炸得好香口，唔算太油膩😁 點擊圖片放大 最後甜品環節，叫左極尚椰皇燕窩燉蛋白，食落比想像中滑溜同清甜，仲可以起埋D椰肉黎食添🤤另外當然唔少得拎Haagen Dazs 雪糕慢慢嘆😎 - 極尚大喜屋 📍旺角彌敦道639號雅蘭中心4樓
