想打邊爐食得盡興一定係揀食放題😆今次揀左SRF美國極黑和牛片套餐，星期六每位$298另收加一，食足120分鐘😉裝修整潔新淨，而且好大間鋪，但同樣地都FULL晒咁濟，證明都幾有人氣👍🏻 而家仲要連觀塘分店嘅指定套餐就有乳鴿任食，正呀🤩 肉類、海鮮同精選食品掃QR CODE落單之外，其餘就出面自助區拎，自助區有勁多配料可以拎😍沙律冷盤生果等，冷熱飲品包括茶類、果汁、汽水、啤酒、連珍珠奶茶都有😄當然唔少得甜品雪糕區😎 清甜椰子雞鍋：上鍋滾左之後當然先淺嚐一下湯底，味道幾清甜，椰子肉都幾爽口😄 SRF美國極黑和牛片、手切封門柳、美國安格斯牛板腱：呢幾款肉類係第二價位套餐先有，當然主打叫多D😆ENCORE好幾次依然保持水準，肥瘦比例好好，牛味夠濃😋美國牛肩胛片、巴西牛脷托：呢D係最平價位就有，味道都唔錯，但當然唔及SRF美國極黑和牛片咁出色西班牙豬五花片：幾肥所以好香油花味，但要節制一下唔好叫太多😆 日本帆立貝、鮮甜海蝦、沙鯭魚、鮮甜沙白、水魷魚、菊花章魚、象拔蚌片：佢呢到會用冰墊底就冇咁易變壞👍🏻海鮮類別選擇都唔少，而且夠鮮甜，海蝦、象拔蚌片同水魷魚幾彈牙😋 實在太多野食，個人比較推薦美顏花膠、台北鴨血、牛白柏葉、秘製滷牛筋、手包蝦肉雲吞、手打墨魚滑、蝦仁棒棒呢幾款野食🥰海鴨蛋福袋：呢個幾特別，煙煙韌韌，咬開入面有鴨蛋黃鹹香味😄呢到仲有平時比較少食嘅水蓮同冰菜拎😉藤椒魚皮：呢個小食少少辣幾惹味，口感滑滑地帶點爽脆，推介👍🏻 甜品：食左好多唔同口味嘅da dolce雪糕同Haagen Dazs雪糕，同埋仲有鋪頭自家製椰汁芋圓甜品🤩 食得飽飽夠滿足，以咁多款食物同飲品，仲要幾高質素，呢個價錢本身已經抵食😍我仲要見到而家中午放題嘅話仲可以4小時任食添，超級抵食，值得ENCORE再食過🤤-牛站（駅）麻辣火鍋放題📍觀塘觀塘道414號1亞太中心6樓
