又到左放縱食放題嘅時候😆出黎旺角先留意到原本創興廣場分店搬左過黎呢到，今日同朋友食平日優惠時段，5PM-7PM，2小時任飲任食, 每位$278另收加一 呢到裝修新淨，空間感間格做得幾好，夠闊落唔會太逼👍🏻點擊圖片放大 用QR CODE落單之外，出面自助區都好多野拎，凍海鮮、生果，沙律區、熱食小食、甜品，雪糕區、冷熱飲品，酒精類飲品一應俱全，最驚喜原來連珍珠奶茶都有🤩 等左陣，食物陸續送上，準備開餐🤩由於食物種類太多，集中推介比較特別嘅😉 刺身：食得放題，當然我全都要😎松葉蟹腳、三文魚、油甘魚、池魚王刺身、希靈魚、北海道鮮帶子、北寄貝、馬刀貝、赤貝、榮螺、蜜汁鮑片、甜蝦、極品大赤蝦、冰鎮柚子海蜇、泰式虎蝦，選擇眾多，肥美鮮甜，回本之選🤤 金湯慢煮吉品干鮑花膠盛：個人私心推介，鮑魚同花膠幾有口感，而且煮得夠入味，值得ENCORE🤤 鮮百合上湯燴大蝦球：蝦球大大件夠彈牙😋用上湯調味都幾滋味 避風塘軟殼蟹、金蒜蓉粉絲蒸扇貝、順燒珍寶鮮蠔燒：軟殼蟹香脆，扇貝同蠔都幾大隻，而且呢到D炸蒜好有水準，令到D食物更為惹味😍 芝麻雞翼：香口而且肉嫩，趁熱食最好味😋 脆皮炸奶、脆炸貓山王：甜品類嘅炸物，唔油膩，外脆內軟👍🏻 最後當然食埋Haagen Dazs同da dolce雪糕食埋尾，成餐放題勁滿足🥰食物選擇非常之多，上菜速度都幾快，而且都出得齊冇漏單，放題餐廳之選👍🏻特別提醒一下，如果繁忙時間食嘅話記得book定枱，因為7點走嘅時候見到勁full-極尚大喜屋旺角彌敦道639號雅蘭中心4樓
