殿 大喜屋尖沙咀金巴利道26號1樓-最中意食放題，畀完一個價錢就可以盡情叫盡情食，唔使擔心瘋狂落單後會埋單有幾貴😝今次揀左大喜屋當中高檔D嘅分店殿大喜屋，呢到嘅放題勁豪華，拖羅、和牛、鮑魚仔、花膠都可以任嗌任食，最開心係雪糕MOVENPICK都可以任拎，好難回唔到本😎平日5點入座食足2小時$298/每位，絕對物超所值🤩點擊圖片放大 +2 食物自助區：有沙律、冷盤、熱葷、炸物、生果、湯等等飲品區：冷熱飲品、清酒、自家製茶類都齊備仲有個COUNTER可以拎海膽手卷，當然唔可以執輸🤪 拖羅：回本之選，大大塊，入口冇根，肥美香口🤤和牛薄燒：必食之選🤩肥瘦比例好好，肉味香濃而肉質軟腍😋 花雕醉鮑魚：賣相又擺放得幾精緻😍鮑魚彈牙爽口，帶點花雕酒香，更為滋味😎 避風塘炒蟹：上碟時經已整碎左D殼，所以食用都唔會太麻煩，蟹肉鮮甜，連埋D炸蒜粒粒一齊食勁惹味🤤 吉品鮑汁燴花膠盛宴：水準好接近中式酒樓煮出黎嘅素質，花膠幾有口感👍🏻 刺身：拖羅、油甘魚、三文魚、北海道帶子、北寄貝、赤貝、馬刀貝、希靈魚、甜蝦、赤蝦我全都要🤤解凍處理得好，食落都好鮮甜，冇咩雪藏味😍壽司：除左平常食開嘅款式之外，呢到仲有好多特色創作壽司，多份新鮮感😄D壽司飯唔會一夾就散，同埋佢唔會D飯比例太大件搞到太飽，所以可以叫多幾款壽司食下😉 天婦羅：D炸漿唔會太厚，炸得香脆唔會太乾身，而且底下有吸油紙墊住，所以唔會話好油膩👍🏻 炸物：芝麻雞翼整得幾香口，內裡肉質仍然嫩滑。榴槤炸彈、紫心香芋丸當甜品食😋燒七味鱈魚乾：輕輕燒香，薄薄地易入口，一食就停唔到嘅小食😝 以海燕窩椰汁燉木瓜、MILK TOP雪糕、MOVENPICK雪糕作為最後嘅甜品，先係圓滿嘅一餐🥰水準極高，而且太多食物選擇，2個鐘都食唔晒所有款式，下次一定要ENCORE再食😎同埋留意返就算我平日去食，個場都好FULL下，所以記得BOOK定枱黎食😉
