好耐無一盅兩件,前排心思思想食點心就搵下邊間好食,見呢間評價唔錯,蝦餃燒賣可以兩粒兩粒咁叫幾得我心,一於黎飲個茶😛 🔸春風得意腸 膠粉皮包住一層脆脆,入面有蝦、粟米、芫荽,仲加左蟹籽裝飾。食到淋、脆、爽三個唔同口感,口感層次豐富再蘸上豉油,今餐最好食必叫🤩 🔸燒汁百花釀茄子 有三件每件都幾有份量,蝦滑口感幾好我幾鍾意,上面仲有木魚碎,調味鹹淡適中,上枱個陣熱辣辣建議攤凍d先食無咁熱氣😆,雖然油左d,但鍾意香口野嘅朋友呢個就啱哂啦 🔸雪山叉燒包 幾鍾意個皮酥脆,相比傳統叉燒包入口會痴牙,我更喜歡呢個嘅口感😙,入面有熱辣辣嘅叉燒粒粒,如果引餡料更多會更滿足 🔸楊枝甘露糕 又係有三件都唔細件,食到有芒果粒、柚子肉、西米露幾足料,唔會好甜清新解膩👍🏻店員友善熱情服務態度幾好,點心現場製作,即叫即蒸。餐廳全日免加一,而家下午5時後堂食仲88折😍,兩個人加埋叫左7樣野,每人茶位$4,人均$80都唔駛就食飽飽lu,真係幾抵食性價比高‼心思思想再去試其他點心☺️Follow我地IG: foodiebigbigg,唔好錯過我地嘅美食分享呀😋📍熱點 太子彌敦道782號麗英大廈地下C號舖