間唔中都會黎九展睇戲,有時睇戲之前或之後順便喺到醫埋肚,今日就試下呢間主打平價日式料理、丼飯美食嘅鳴日食堂,餐廳空間幾大座位寬敞,枱與枱之間有頗大距離。 點擊圖片放大 +2 🇯🇵和風燒牛肉拼鰻魚扒飯 呢個包埋麵豉湯,濃淡恰到好處,面頭有塊唔細嘅鰻魚扒,上面淋左鰻魚汁,鰻魚肥美仲有油脂感,下面舖滿左洋蔥同燒牛肉,牛肉份量唔少食落唔會韌,一次過就食到牛肉同鰻魚😛,最底用上珍珠米,飯嘅份量幾多。 🍜匠魂東坡煮黑蒜油拉麵 拉麵一上枱已經聞到好香黑蒜油味,湯底濃而不鹹。麵底用上幼麵,影相擺左一陣都無變淋軟硬適中,東坡肉半肥瘦好大塊差唔多有碗嘅一半咁大,仲有木耳、芽菜、筍同溏心蛋。 每個餐另外跟一包紙包飲品,有d擺左喺雪櫃入面,有d就擺喺室溫好貼心,啱哂平時盡量少飲凍飲嘅我。除左紙包飲品之外,佢地仲有暖嘅蜂蜜菊花茶自由斟。 Emax雖然餐廳數量唔多,但人少少靜靜地,尤其而家疫情底下,坐得舒服又食得安心,黎開呢到可以試下呢間餐廳呀~ 📍鳴日の食堂九龍灣展貿徑1號E-Max國際展貿中心2樓18號舖記得follow我地IG: foodiebigbigg,唔好錯過我地嘅美食分享呀😋