一班朋友聚餐又想啤一啤,去大排檔就無錯啦~呢晚去左大角咀熟食中心,因為想食海鮮就食左一餐海鮮飯😛 🥢蒜蓉開邊蝦蝦開左邊食方便好多,大隻新鮮肉質唔霉🦐 🥢豉椒炒蜆份量多蜆肉又大,而且新鮮全部都開殼無沙,炒得入味好惹味👍🏻 🥢蒜蓉粉絲蒸蟶子皇話明蟶子皇幾大隻味道唔錯,略嫌蒸耐左少少,食落少少韌🙆🏻♀️ 🥢蒜蓉粉絲蒸扇貝扇貝又係大大粒,蒜蓉粉絲索哂味好送飯😙🥢果皮蒸多寶魚大條魚肉嫩滑,果皮帶甘🐟 🥢椒絲腐魚通菜大大碟有鑊氣唔會炒老哂🥬飲埋啤酒人均都係$100幾,$200有找價錢合理,小菜份量大有鑊氣,佢地招牌菜椒鹽墨魚咀都幾多人叫架😋。餐廳喺熟食中心入面,有冷氣夏天都唔駛熱住食大排檔,假日去幾旺場環境比較嘈吵。📍新錦園大排檔大角咀福全街63號大角咀市政大廈2樓記得follow我地IG:foodiebigbigg,唔好錯過我地嘅美食分享😋