而家做緊午市套餐買一送一，見幾抵去試下先 🍣極上壽司定食定食包沙律、漬物、茶碗蒸、麵豉湯同御飯，呢款定食係跟烏冬嘅，麵食就唔會另外跟麵豉湯。🥗沙律幾新鮮，沙律用上我愛嘅芝麻醬無得輸，漬物係中華沙律。我地等左一段時間食物先上枱，壽司相信係即叫即整，有8件壽司三文魚、吞拿魚、北寄貝、帶子、甜蝦、鰻魚、蟹籽、海膽，2件吞拿魚蓉卷同2件玉子燒。壽司質素唔錯，海膽無腥味，飯唔容易散😛烏冬滑身配清淡湯底，食落啱啱好唔會好鹹好舒服；茶碗蒸好嫩滑，入面有菇、蟹柳、鳴門卷。呢個定食有麵又有飯真係幾飽肚，一個餐有咁多野食好滿足，餐廳另設加一。📍花居酒屋 荃灣海壩街108-114號荃碧大廈地舖記得follow我地IG:foodiebigbigg，唔好錯過我地嘅美食分享😋
