餐廳位於銅鑼灣，無論係嘢食、酒水、服務同環境，都好好☺️餐廳最大特色係加入濃郁嘅芝士，芝士仲係餐廳自家製，好美味，其他地方食唔到㗎😍 前菜: 白酒車厘茄炒青口平時好驚食好乾嘅青口，不過呢度嘅青口好juicy，而且湯汁好濃好好味，除咗酒味仲有芝士味☺️第一次食咁多青口。 脆餅: caprese意大利脆餅都好特別，外層烘到好香嘅羅馬包，入面除咗加入大量自家製水牛芝士外，仲有開胃嘅蕃茄同沙律🥗，值得一試。 Pizza: Funghi而pizza我哋揀咗呢款，蕃茄醬底，加入大量水牛芝士、蘑菇同埋意式煙腩肉，同平時食嘅Parma ham 有啲似，不過冇咁咸，好好味，而且餅底嘅口感都非常好👍🏻 意粉:卡邦尼通粉食意大利菜梗係要試埋意粉，呢度嘅卡邦尼汁好濃好香好啱我口味，粗管通粉最大嘅好處係入面都會有好多汁，芝士味重，勁香濃。 鍾意飲酒嘅朋友更加要試吓佢哋嘅cocktail呀，我就試咗expresso martini ，香濃嘅咖啡加上濃郁嘅酒精，原來咁夾㗎，而且越飲越好飲。朋友杯aperol spritz都好唔錯，相對反而冇咁甜，酒精味反而冇咁重，都好適合女仔飲。
