海港城又有新餐廳，今次開韓國菜，係韓國仁川人氣過江龍cafe，terrace in seaside 雖然未試過韓國嗰間，唔知咩好食，不過都好想一試。 酸甜果仁有骨炸雞，$118最鍾意食酸酸甜甜口味嘅嘢，所以呢個炸雞好啱我口味，半份都有好多件，而且件件都好大舊，啖啖肉😍上面仲有幾條年糕，下面就有啲薯條，同酸甜汁都好襯。 辣蟹肉意粉，$102上面勁多蟹肉，白雪雪一層，好吸引，我哋撈埋啲意粉一齊食，真係有少少辣，不過辣度應該大部分人都可接受，係扁意粉，有口感，唔錯😌 傳統紫菜包飯，$72真係好傳統嘅味道，入面包咗玉子、青瓜、紅蘿蔔同牛肉，味道唔會好重，菜嘅比例比較多，飯嘅份量反而唔會好多，幾好。 水果忌廉三文治，$62原本見到$62得兩件，覺得有啲貴，但食咗一啖就明白點解賣咁貴，因為中間夾住勁多勁好味嘅cream，雖然怕肥但係都忍唔到食晒一件，如果唔係怕肥我諗我會叫多一份😍 Tiramisu，$68好少堂食會用個盒裝住嘅，不過又幾好味喎，夠濕潤，不過冇乜酒味，小朋友都食得，甜度適中，唔錯。 夢幻紫薯牛奶，套餐加$25呢杯好好飲呀，下面嘅紫薯甜甜哋，牛奶夠濃，上面仲有一層cream，好好味好滿足。 濟洲柑橘特飲，套餐加$43呢杯好得意，有個柑橘係上面，好啱打卡，不過得層皮，係吉嘅🤣朋友話好重柑橘味，唔錯。 咁嘅價錢係海港城都算抵食，而且環境都好舒服，食物選擇都唔少，值得一試。
