好好味燒肉😍一直想試好耐嘅燒肉，終於約實朋友去食，因為夜晚冇得堂食，所以日頭去，仲抵啲呀，全單有7折☺️餐廳係尖沙咀金馬倫道中國保險大廈三樓，出面完全冇任何廣告，搞到我哋好懷疑係咪去錯🤣平日下晝時間去嘅，估唔到都咁多人，不過冇乜油煙味，位置又夠闊落，仲有房間，好適合聚會。九宮格燒肉盛合，$288幾乎每枱都會叫嘅肉，視乎你叫嘅係貴啲嘅和牛，定係平啲嘅牛，我哋選擇平啲牛，但係質素都好高呀。中間嗰塊係A4和牛，另外仲有M9、prime、安格斯、牛舌等9種不同牛，抵食又好食之選，一定要叫呀。 A4和牛壽喜燒，$148呢個好正，店員會幫我哋燒，兩邊燒幾吓之後放係飯上面，淋上黑松露汁，好正。份量都唔少，一人有三塊牛加一細碗飯，好滿足😋 日式味噌黑豚五花，$68呢個豬五花好好味呀，原本望落好肥，點知燒完之後，一啲肥膩感都冇，而肉本身醃過嚟，甜甜地，好好味👍🏻 明太子月見飯，$36果然係招牌飯，明太子嘅咸加埋生蛋同飯，好夾呀，當然仲可以加塊好正嘅燒肉啦😍 另外嘢飲選擇都好多，我就揀咗冷泡白桃烏龍茶，完全唔甜嘅，食再多燒肉都冇負擔🤣勁滿足嘅一餐燒肉大餐，下次都要再約朋友去食😌😌
