@晴空日本料理食過尖沙咀好多間日本野,呢間質素都算好高,同埋唔貴,用料靚又新鮮,以後lunch time又多個選擇😊lunch omakase $398首先會上沙律,酸酸甜甜幾開胃。之後食個軟滑嘅茶碗蒸蛋。刺身刺身好新鮮,當日嘅刺身有拖羅、鰈魚、赤貝、油甘魚😍赤貝鮮甜彈牙、油甘魚夠肥美,最正一定係拖羅,有兩件,一件大拖羅,一件中拖羅,勁香口勁肥美,食完想再食😋估唔到咁嘅價錢會俾咁高質嘅刺身。 生蠔令和之怪物,肉質飽滿,上面有魚子同金箔,魚子嘅咸味更帶出蠔嘅鮮甜,好creamy,海水味適中。 6件壽司🍣當中包括深海池魚、牡丹蝦、北極貝、燒海曼、海膽、拖羅。海膽同牡丹蝦最鮮甜,拖羅最肥美,北極貝燒過,彈牙有味。全部質素都幾高,唔錯。 之後仲有一個拖羅手卷,細細個,但係味道幾好,最後甜品有勁甜哈密瓜配日式蕨餅,好滿足嘅一餐☺️點擊圖片放大 +3