616火鍋應該好多人食過，不過今次我係食lunch，一個人都可以食嘅火鍋，仲要平靚正😍 一人火鍋，$78湯底同牛都係四揀一，其他配菜好豐富，全部都有。我哋一個揀咗清湯底配俄羅斯金花趾。一款就係沙嗲湯底配牛駝峰。我哋見追加單碟牛肉可以8折，又追加咗兩款牛，一款係蘇格蘭雪花胸肋，一款係英國安格斯牛前胸肋。 牛駝峰牛駝峰係四款肉入面脂肪最多，亦都係最嫩最好味嘅，以後去食一定要點呢款，真係好好味，就算一塊煮耐少少都仲好嫩，又有牛味。 英國安格斯牛前胸肋，$58呢款我覺得排第二，脂肪分布好平均，牛味都重嘅，口感唔錯，$58有7大塊，仲有8折，好抵呀。 蘇格蘭雪花胸肋，$58睇樣其實同安格斯差唔多，味道其實都係，不過呢款稍微瘦少少咁多，有咬口嘅，都好唔錯。 另外佢哋自家製嘅嘢飲都好好飲，又唔會好甜，飲完感覺好清爽又下火，唔錯唔錯。咁樣食，一人百零蚊已經可以食得好好，正。
