k11成日行，但係原來有個角落好少行入去，所以一直忽略咗呢間高質餐廳🤣平日lunch time去嘅，一點未到已經要攞飛等位啦，等咗陣，好快就安排咗坐bar枱，好處係，可以望住師傅燒🤩🤩原本唔知揀乜好，見師傅不停燒串燒同埋大大塊牛小排，真係流晒口水😋咁多人叫，一定唔差，所以我哋都決定咁叫。炭燒和牛小排，$169佢嘅定食都幾豐富，有湯、豆腐沙律、飯同埋溫泉蛋😍我將蛋倒入飯度一齊食，好味。而主角牛小排就燒得啱啱好，肉嫩多汁，怕生嘅人可以叫佢燒耐少少，我就覺得半生熟咁先最好味😋佢切好一塊塊上，一啖一塊，易入口，份量都比想像中多，正👍🏻 福岡豚肉野菜卷六盛合，$228佢有兩款串燒餐，我哋揀咗貴啲嘅，因為見啲介紹好特別，想像唔到嘅嘢擺埋一齊燒，其他地方未必食到，所以再貴都試吓。佢將䐁肉包住水果黎燒，真係好得意，咸咸地嘅肉加甜甜地嘅生果，真係幾得意，話係源自日本福岡，搞到好想去旅行添🥺當中包菠蘿最甜，包提子最爽口，包士多啤梨最冧，包蕃茄相信大部分人都試過。仲有兩串係包芫荽同大葱，呢兩串都好好味呀，菜同肉一齊食，可以平衡吓肉嘅油膩。點擊圖片放大 仲有幾個定食想試，下次想試另一款六合盛串燒，仲有牛肉壽喜燒🤩🤩諗吓都覺得期待，肥人就係咁，一餐未完一餐又起🤪🤪點擊圖片放大
