唔係朋友介紹應該唔會留意到呢間隱世小店,位置係好少去嘅紅磡廣場入面😆但係食物質素幾高,份量又足,價錢又唔貴,啱晒我😆😆 @樂洋食屋黑松露手工和牛漢堡,$92和牛扒好厚身好大塊好juice😍黑松露醬係佢哋自家製㗎,松露味道雖然唔會好重,但同塊和牛扒嘅味好夾,估唔到咁嘅價錢都可以食到和牛,仲要有咁嘅質素👍🏻呢個價錢仲係套餐價,包埋沙律菜同埋好多薯格,仲有嘢飲添。我就揀咗凍檸茶,加$3。我已經諗好下次要試鮮牛油果手工和牛芝士漢堡🤣點擊圖片放大 咖喱蕃茄吉列廣島蠔手工意粉, $99呢個廣島蠔好好味,入邊又係好Juice,出面勁脆,不過呢啲都唔係重點,重點係佢嘅意粉真係好好味,連平時好少食西餐嘅朋友仔都話好味,似寬麵嘅口感,好滑。個蕃茄汁又係整得好好味,幾樣野配埋一齊,好夾。點擊圖片放大 另外加12蚊有兩隻生炸雞翼,即係冇落面粉去炸,唔錯。加18蚊又有一大塊煎雞扒,都真係幾抵。原本諗住食完去隔離食糖水都食唔落,好飽好滿足😆