堅離地城原來有好多嘢食，今次試咗我最愛嘅泰國菜先😍行去厚和街，條街好多餐廳，我哋揀咗泰尚，佢都算係比較大間嘅餐廳，環境舒服，服務勁好，朋友住港島，佢話下次港島食泰國菜一定首選呢間🥰龍眼冰、珍多冰，各$30一開始先上兩杯野飲，上面朵花好靚，即刻覺得自己係泰國度緊假🤣🤣原本收工好攰，見到之後心情即刻變好咗。我嘅龍眼冰要咗少甜，甜度啱啱好，入面龍眼肉勁多，食極都仲有🤣正。 炸蝦餅，$88店員推介嘅，泰國姐姐手打蝦餅，梗係要試吓啦😍又真係好彈牙喎，又有蝦味，外層炸到金黃色，好香脆，加埋酸甜醬，真係一流，份量仲好足添，必食推介😎 柚子蝦沙律，$95一上菜已經好吸睛，幾隻大蝦鋪滿隻碟，下面有大大舊嘅柚子，平時食大部分係柚子碎，呢度絕對唔係，好大舊但放心，好入味好好味，仲有好多脆脆腰果，酸酸甜甜，真係勁開胃😍食食吓仲發現有芒果，真係好滿足🥰 乾咖喱軟穀蟹， $125呢個乾咖哩食起身好似沙嗲汁，食得出有好多花生粒，味道好味，不過唔係好似咖哩。軟穀蟹好多肉，切到比較細塊，易入口之餘仲會比較入味，外層炸到卜卜脆，但係入面嘅肉仲好嫩，加埋啲汁，正呀🤣見啲咖哩汁好多，我哋仲叫咗個簿餅，撈埋啲汁，好好味😋 食得好飽好開心好滿足嘅一餐☺️☺️
