成日見人哋啲相好似好吸引，今日終於去試咗佢個漢堡啦😊招牌漢堡，$118通常都會叫招牌菜，而呢款漢堡就係呢度嘅招牌，用咗安格斯牛肉，同普通漢堡一樣，加芝士、蕃茄、生菜、洋蔥，最大分別應該係用moo moo特制嘅醬，個醬我覺得好熟悉，但又講唔出係咩醬。第一啖咬落去嘅感覺係都幾重牛肉味，唔錯，牛肉唔會太乾，個醬都幾好味，整體唔錯嘅。點擊圖片放大 12隻雞翼，$108冇睇錯，為咗食3隻口味，要咗12隻雞翼，即係每人要食6隻，食完真係好飽。最好味都係照燒😋水牛城雞翼咸咗少少，同其他地方食到嘅有少少唔同。另外一隻係完全相像唔到嘅味，南乳脆皮味，都幾特別，咸咸地脆脆地，不妨一試。 墨西哥芝士雞肉餅，$78原本想叫pizza，不過驚食唔落，但又想食餅，所以叫咗佢。平時都好鍾意食墨西哥餅，呢度嘅醬汁冇一般墨西哥店嘅酸辣，可能比較適合香港人，皮簿同脆，芝士同雞肉都多嘅，不過冇pizza咁漏，唔想太飽，都係一個好選擇。
