城市中的綠洲,小山坡上的cafe,我都想開一間呀🥺環境清幽,裝修舒服,店員熱情,食個lunch都好似放咗半日假咁,真係好正😍 招牌龍蝦仔白汁意粉 $98 話明招牌就梗係要試吓啦,但係又擔心伏,所以特登問咗吓店員,佢好熱情咁同我介紹咗佢哋啲龍蝦仔係新鮮整嘅🤩加埋忌廉同檸檬汁,一啲都唔會腥。果然冇錯,一啲都唔腥,蝦仲好彈牙,加上萵筍,又靚又好味。 秘制龍蝦包配沙律 $88 見ooenrice啲人影相,好大份,我哋都叫咗嚟試吓,真係好長一條,打卡一流。出面層麵包整得好脆,夾住好多龍蝦仔,加埋個醬汁,好好味呀,兩個人share包同意粉份量就啱啱好。☺️ 像極了愛情的咖啡 $58 同愛情一樣好靚好美好,但不能只是看外表,飲起身都好好飲,微甜中帶少少咖啡甘,除了士多啤梨味,仲有淡淡玫瑰味,冇諗到咁嘅組合可以咁夾,又靚又又味,下次去都會再叫呢杯野😍 凍朱古力 $54 以為普通嘅一杯朱古力都好好飲呀,問咗店員其實都係用朱古力粉沖,但係就用高級嗰隻,所以朱古力味好重,明明杯野係朋友嘅我都忍唔住飲咗幾啖🤣 柚子抹茶芝士蛋糕 $55 好特別呀,中間嗰層係芝士蛋糕,柚子味好香好重,酸酸地完全唔會漏,下面係抹茶蛋糕,後面仲有一層有芝麻,蛋糕好有層次,咬落好有口感,成個蛋糕感覺好特別好fresh☺️ 呢度有好多打卡位,仲有好多金句,睇完會放鬆心情,大家下次有時間記得去放鬆下啦,真係好正🥰點擊圖片放大 +7