今日同事提議想食中式嘢，見個名幾得意就揀咗呢間。本身以為粵菜餐廳嘅裝修應該都差不多，但呢間裝修幾雅緻，好有蘇杭園林嘅感覺，又坐得舒服，服務都幾周到，印象不錯😃。小食五選一，再喺十六款小菜入邊揀一款，主食可以揀白飯同蠔仔肉碎泡飯，其實都真係幾抵下！咁識食一定食泡飯喇😜！另外我仲就揀咗花膠羹同椒鹽蝦。 足料花膠羹⭐⭐⭐⭐真係幾足料下😆！但足料嘅同時各樣食材的味道都好突出，食得出熬咗好耐，係有用心熬的花膠羹。 蠔仔肉碎泡飯⭐⭐⭐⭐⭐好驚喜🤩！始終成本貴過白飯，所以都冇畀咩期待，但估唔到都幾大碗下，仲要好足料！肉碎同飯的比例剛剛好，蠔仔粒粒飽滿，肉質彈牙，食得出鮮甜同埋有蠔味，睇來有認真選料😌。 椒鹽蝦⭐⭐⭐都好好味，炸得好脆，蝦肉鮮甜，椒鹽同炸蒜好惹味，又唔會太鹹。 蔥燒雞球⭐⭐⭐同事揀的蔥燒雞球，雞肉嫩滑，蔥味突出，算係中上的酒樓水準。 乾煸四季豆⭐⭐另一個同事就揀咗乾煸四季豆。四季豆都正正常常喇，對於我嚟講就多油咗少少，不過有蔬菜食下感覺健康啲😂 三個人三個餸，有小食有足料泡飯，呢餐咁豐富嘅Lunch每個人都係68蚊，仲要坐得舒服，真心覺得抵🥳！呢到之後應該會變成我地Canteen🤣🤣！
