朋友話帶我黎食好西原來係西班牙個西haha :P其實係好食既 印象最深刻一定係海量薯角我諗佢地廚房收收埋埋幾公噸薯仔 :DChill左一晚 然後返到屋企呀囡唔訓要攬住到1am :(點擊圖片放大 +6 Starters ❙ ᴄʜᴇғ’s ʀᴜsᴀ ❙ 薯仔吞拿魚沙律 面頭一堆令人滾動既三文魚籽 咸鮮味好重 配上烘到極致既多士 一流 ❙ ᴘᴀᴛᴀᴛᴀs ʙʀᴀᴠᴀs ❙ 海量薯角 粉得黎又有啲爽口 其實好食架 不過係太多 食到有啲驚 ❙ ɪʙᴇʀɪᴄᴏ ʜᴀᴍ ᴛᴏᴍᴀᴛᴏ ʙʀᴇᴀᴅ ❙ 其實我麻麻地ham 不過呢個ok 唔會死鹹同硬呱呱 我直頭覺得好食 ❙ ᴇsᴄᴀʟɪᴠᴀᴅᴀ ᴛᴏᴀsᴛ ❙ Toast上面有啲蔬菜及鯷魚 唔睇Menu都唔知有鯷魚 存在感近乎零 因為大量嘅橄欖油令到成個口感好軟腍 我係覺得好好食 ❙ ᴄʀᴀʙ ʀᴏʟʟ ❙ 軟殼蟹唔係炸到極致 所以唔會太油膩 包包帶有少少韌 不過都係好味Mains ❙ ᴄʀᴀᴢʏ ᴄᴇᴠɪᴄʜᴇ ❙ 帶子 龍蝦 海膽及比目魚既擔當 有金桔所以澀得黎又有少少酸甜 呢道菜我就麻麻地 ❙ ᴜsᴅᴀ ʀɪʙ-ᴇʏᴇ ❙ 好靚仔既肉眼 外圍煎封帶點焦香脆口 中間部份粉嫩好軟稔 如果肉汁油脂再豐富啲 我會比滿分 另外旁邊又係一堆薯角 嗯 見到都飽喇Sweets ❙ ɪᴄᴇ ᴄʀᴇᴀᴍ sᴀɴᴅᴡɪᴄʜ ❙ 究竟係咪Häagen-Dazs？雲呢拿三文治脆餅 淋上海量朱古力醬 成件事好普通 ❙ ᴄʜᴏᴄᴏʟᴀᴛᴇ ᴘᴀʀғᴀɪᴛ ❙ 朱古力芭菲 就係一堆唔同既朱古力配上雲呢拿雪糕 無驚喜轉個頭就唔記得啦Drinks ❙ ᴊᴜɴᴏ ❙ Ok喎 清新 主要既味道係黎自奇異果 ❙ ᴛʀᴏᴘɪᴄᴀɴᴀ ❙ 好fresh 菠蘿味最出 解膩一流⌂ Chueca (中環)中環歌賦街8號地舖┈┈┈┈┈┈┈ ✄ ┈┈┈┈┈┈┈#港島_食史#ngbaohomay#以上內容純屬個人意見如有雷同一定係抄我
