呢個「糖水」食得唔飲得架～～～🤣🙌🏻為左應節🤭我又搞屎棍啦湯圓包早兩年已經整過 零負評且創意十足而今次係2.0加強版😌黑糖薑汁包體內餡用上流心湯圓世一既福元湯圓究竟食緊麵包還是食緊糖水呢？我務求搞到大家思覺失調先擺休～😊✐ 材料：老薑45g高粉300g黑糖20g(做包） + 30g（薑水）鹽3g牛油果油18g速發酵母3g雞蛋 50g薑水120-130g湯圓16粒黑芝麻 少量白芝麻 少量✐ 做法：1️⃣老薑帶皮洗乾淨切片煲水 大滾五分鐘 襯熱加入黑糖 放涼後放雪櫃備用 另外薑片磨成蓉 壓走薑汁 只要薑茸放涼待用2️⃣麵包機加入高粉 黑糖 鹽 薑茸 速發酵母 雞蛋 薑水 搓7-8分鐘加牛油果油 一發約60分鐘3️⃣取出滾圓 平均分配12小粒 然後蓋上濕布等10分鐘作鬆弛4️⃣排氣 擀平直接包入湯圓 搓圓揑緊收口位向下全部放置模具內 隨即進行二發約60分鐘5️⃣包面掃上清水 黑芝麻湯圓灑上黑芝麻作記號 花生湯圓灑上白芝麻作記號6️⃣送入已預熱既焗爐180度焗30分鐘 7️⃣完成後立即出爐放架上 襯熱輕輕掃上蜜糖水 攤凍先食呀🙌🏻😂┈┈┈┈┈┈┈ ✄ ┈┈┈┈┈┈┈ #相機食先 #美食分享 #美食日記 #nobreadnolife #852美食 #foodforlife #foodlover #hkfoodblogger #ufoodphoto #breadbaking #麵包控 #烘焙日記 #麵包食譜 #簡易食譜 #烘焙教學點擊圖片放大 +9
