話說 之前係中環何蘭正食過粟米巴斯克芝士蛋糕後一直念念不忘～～～～🥰🥰🫶🏻所以⋯⋯所以⋯😳今日動起來啦！！食過既都話估唔到咁夾！咁好食！有人仲提議 下次不如試左用三色豆呀 咖哩牛腩味既巴斯克芝士蛋糕🤣🤣🤣真係tree lun sin ♛ 粟粟巴芝閉⚑ 材料忌廉芝士 310糖粉60g砂糖10g鹽 1g淡忌廉 150g雞蛋100g低筋麵粉 12g粟粉 10g粟米a 150g（攪碎）粟米b 150g⚑ 擺盤粟米c 30g牛油 適量希臘原味乳酪 適量┈┈┈┈┈┈┈ ✄ ┈┈┈┈┈┈┈⚑ 做法1.先充分軟化忌廉芝士 然後略略攪拌後加入糖粉、砂糖和鹽均勻拌好至順滑2.雞蛋液分2-3次落 每次吸收晒先再落蛋液 倒入粟米a及淡忌廉攪拌3.加入低筋麵粉及粟粉輕力攪勻 之後倒入已墊好牛油紙既6吋模具上4.然後再加入粟米b 簡單攪勻就可以 輕力鄧一鄧模具 鄧走空氣 送佢入已預熱左既焗爐 210度30分鐘/直至熟透5.焗好後 室溫待涼 包好放置雪櫃 至少雪四小時或一晚 ꙳ ꙳ ꙳其實完成以上後就可以食啦 不過如果你想再靚啲不妨跟住我繼續做꙳ ꙳ ꙳6.鑊中加少少牛油 倒入粟米c 慢火炒至粟米焦焦黃黃黑黑 我大約用左10分鐘 盛起備用7.取出巴斯克芝士蛋糕 熱刀切件 畢適量希臘原味乳酪 再任意灑上牛油粟米c8.食得啦喂😌✌🏻┈┈┈┈┈┈┈ ✄ ┈┈┈┈┈┈┈⚑ 溫馨提示1.粟米多少取決於自己既喜好 所以粟米部分可隨意加減2.可以全部選用砂糖 3.用希臘原味乳酪只係想做個靚啲健康啲既配搭 當然亦可以自己打忌廉4.今次既麵糊因為有粟米碎 所以唔順滑係正常 5.每家爐溫同脾氣都唔同 時間只係參考 務必自己金睛火眼多觀察6.巴斯克芝士就係出名表面黑黑的 唔想太黑就搵張鋁紙cover個蛋糕表面 ┈┈┈┈┈┈┈ ✄ ┈┈┈┈┈┈┈ #相機食先 #美食分享 #美食日記 #nobreadnolife #852美食 #foodforlife #foodlover #hkfoodblogger #ufoodphoto #breadbaking #麵包控 #烘焙日記 #麵包食譜 #簡易食譜 #烘焙教學點擊圖片放大 +5
