相信唔少人都聽過遠近馳名既大圍小館🏮貴為飲食界筋肉人（簡稱米芝蓮🤣）既鉅子晚市至少要一個月前預訂我都真係想試佢地既叉燒好耐🌀咁岩果日打風勁驚😰唔係book得咁辛苦無得食呀？最後⋯風照打 雨照落 舖頭照開 依然座無虛席好唔好食從來都係見仁見智唔試過～點知岩唔岩自己口味🤭 #ngbaohomay 架嘛😉✐ ✎ ✐ ✎ ✐ ✎ ✐ ✎⍥ 哈密瓜海竹瑤柱瘦肉響螺湯 ❙ $228是日靚湯，鹹鹹香香之餘亦不失哈密瓜既清甜，成兜湯渣呈現係你面前，平時我就好鍾意湯渣，不過今晚梗係留肚食其他🤪⍥ 明爐脆皮燒鵝（例）❙ $168燒鵝皮微脆有光澤，我食到有少少木香，唔知係咪就係所謂既荔枝柴煙燻味😅呢隻鵝好食好住所以比較肥美，總體唔算特別出色。⍥ 勾魂叉 ❙ $188萬眾期待既搶fo叉燒🥰上枱時即場淋上秘製陳皮南乳百花蜜醬，再用火槍燒到少少焦香，提升醬汁既香濃度，叉燒使用梅頭肉，激厚切肥瘦適中好靚仔，肉質無我想像咁軟稔，而且邊位有啲乾有啲柴，些少失望，特別在於底下痴滿脆米，寓意住「有米有米」口感豐富有層次，我好似碌地沙咁碌舊叉燒🤣對我黎講係食法幾新穎，一試無妨呀！⍥ 柚蜜鹹檸骨 ❙ $168係你想像到既味😂鹹檸突出，真係見到一條條柚子蜜，偏油膩少少，餸飯唔差既。⍥ 無花果肉排 ❙ $188呢個肉排比較多肉，同一舊舊新鮮無花果一齊兜，其實同鹹檸骨有八九成似😕⍥ 牛肝菌炆豆腐 ❙ $188豆腐軟熟，入晒味兼索晒汁，又好食又肥仔🤣幾鍾意食牛肝菌，即刻香左一倍👍🏻⍥ 薑米蒜香籠仔蒸蟹飯 ❙ $288亦係招牌之一🦀蟹飯霸氣十足，熱焫焫香噴噴，而且真係有蟹膏！米飯濕潤除左索晒蟹鮮，仲加入蟹膏先炒後蒸，淨係食飯都食到兩碗🤩⍥ 脆皮炸牛奶白兔糖 ❙ $138🤭睇個名好似幾有趣，熱焫焫炸起，毫無油膩感，而且鬆脆到不得了，唔會太甜，不過老實講，唔知白兔糖加左係邊😅炸鮮奶入面？煉奶入面？還是根本就係炸鮮奶+旁邊既白兔糖🙂 📍大圍小館 (大圍)🌎 大圍積福街92號地舖點擊圖片放大 +8
