其實除左澱粉質～🥰餃子都係賣飛佛之一豐信已經黎過好幾次今日六點黎鐘黎食個early dinner🤣舖頭座無虛席 人頭湧湧外賣做唔停！😯好彩職員充裕等左唔洗十分鐘就有野食⍥ 芝士粟米鮮肉餃（7隻）$42 + 邪惡金莎 $15芝士喎～緊係揀煎既先最襯😏諗左一秒就選擇左加鹹蛋黃😳wow賣相極其邪惡！煎餃唔會煎到脆到「咔嚓」有聲，反而感覺無咁熱氣又唔易𠝹損上顎，其實仲岩我心意🤭芝士同粟米鮮肉融為一體，睇相就知幾咁juicy！！！芝士唔會太重太膩🤤加上面頭毫不吝嗇嘅鹹蛋黃蓉，芳香撲鼻，有鹹蛋黃粉粉沙沙口感，我地都覺得好好食好惹味😋⍥ 芫荽鮮肉餃 （7隻）$42對於芫荽愛好者黎講，見到芫荽二字的確滾動🤪選擇左湯餃，係無味精既椰子海帶鮮雞豬骨湯底，飲落濃厚鮮甜，椰香較內斂，如果有少少湯渣會更豐富😋餃皮適中，食落帶有少少煙煙韌韌幾得意。芫荽餃的確好驚喜！！味道一啲都唔hea🥰芫荽豬肉比例係6:4！多菜少肉又開正我果蕃，超香芫荽，仲保留到爽爽地，證明時間控制得岩岩好👍🏻⍥ 招牌秘汁拼盤 $45有拼盤就諗都唔洗諗即叫，雞翼、雞蛋、雞腎、金錢展，有啲似滷水，全部都好入味！😆😆⍥ 清熱潤喉羅漢果甘草茶 $10😌咁熱整支下火羅漢果最好不過，羅漢果夠甜，唔洗額外加糖已經好好味，十蚊一大支，好過飲果汁、綠茶啦😏📍 豐信餃子店 (太子)🌎 太子汝州街17號地下A號舖點擊圖片放大 +8
