日式洋食店 🙌🏻有幸坐到榻榻米位置 裝潢用心 座位闊落 職員殷勤有禮 印象分已滿分 適合閨蜜八婆們 細聲講大聲笑 即使講人壞話🤫都唔會有人知 而我同另一半 原本細聲講細聲笑 叫佢影相後 變左無野講😮💨無野笑⋯⋯🔥 #其實佢影相已經進步左 #有相擺得出黎已經萬幸 ✐ ✎ ✐ ✎ ✐ ✎ ✐ ✎ ⍥ 富士蘋果·三文魚蔬菜沙律·柚子醋 夏天必定要叫碟菜食下，爽脆沙律菜配以新鮮三文魚，健康又好食，柚子醋酸酸咪咪夠清新😌立即胃口大開～～ ⍥ 壽喜燒牛肉蛋汁燉飯 Omg 賣相已經搶晒fo 😱估唔到味道咁夾咁好，毫不猶豫地篤爆蛋黃撈勻，牛肉好稔帶有少少肥位，壽喜燒又甜甜地，最最最重點係蒜！！驚艷位係竟然有大量蒜片！！！一定要飯、牛肉、蒜片一齊啪落口🤤🤤成件事係驚天地泣鬼神！！令燉飯好味左十倍🤭真係講起又想食啦⋯⋯⋯⋯⋯⋯⋯⋯ ⍥ 柚子醬油吞拿魚他他最中餅 無錯，貪佢靚仔所以想食😏海量吞拿魚加上有三文魚籽點綴，成件事昇華左唔少😋最中餅少少似以前細個食既蝦餅無味版，靠既就係魚生帶出既鮮味，唔止放得入口仲好睇得tim 😎 ⍥ 月見雞肉棒串 三碌肥棒串🤩🤩熱焫焫好有溫度，外層封煎得硬硬脆脆，沾上濕潤既蛋黃液，加入左唔少雞軟骨，食落唔止得雞肉咁單一，口感豐富，食下食下就ko一串😝 ⍥ 抹茶拿鐵 靚靚拉花，熱抹茶能夠幫助消化及解膩，岩晒呢餐咁幸福既lunch💚😆 📍 MUTA Restaurant (尖沙咀) 🌎 尖沙咀彌敦道132號美麗華廣場1期地庫B131號舖 點擊圖片放大 +6
