Memoir - 回憶錄店主希望客人除左享受美食之外仲可以有一段開心美好既回憶 餐廳以灰色為主調 配以花花既裝飾不乏打卡位主餐牌係店主親手做每本都有主題 黏黏貼貼寫寫字花既除左係時間 仲有無限既心思呢份誠意 原來男生都做到✐ 𝔽irst ℂourse是日精選餐湯為周打海鮮蜆肉湯🤤香濃滑溜，忌廉唔算落太多，食到唔少蜆肉，如果熱啲就更好啦！✐ 𝕊econd ℂourse ❏ 豆腐牛油果配xo醬三揀一呢個係職員推介既，估唔到兩者係咁夾，配埋微辣香口既xo醬毫無違和感😏我都要係屋企試下！！✐ 𝕋hird ℂourse ❏ 吉列牛肉薯餅三選一我地揀左兩大塊牛肉薯餅，香脆！鬆化！有溫度！🤩我鍾意喎，我地估應該仲有落左薯仔令口感更綿密，要讚要讚👍🏻✐ 𝔽ourth ℂourse ❏ 日本廣島蠔燴意大利飯碳水化合物有四款選擇，網上見好多人讚呢個risotto 😏廣島蠔好大隻，而且隻隻都好飽滿，職員建議中爛佢撈勻食鮮味更出👏🏻果然無令人失望，鮮味充分地包住每粒米飯，每啖都好香口，唔會再漏，我食左唔少🤭✐ 𝕄ain ℂourse❏ 16小時慢煮油封鴨髀打卡先📷食西餐好少叫鴨😏同行朋友喜歡一於都試試，起初都怕油膩，好彩處理得好，微微鴨羶味我接受到，肉質偏結實，點埋汁醬味道更出衆。✐ 𝔻essert 𝕆r 𝔻rink係咖啡蛋糕，得到咖啡既中和總體唔會過甜，舌尖上仲有非常突出既可可香，啖啖細軟柔滑層次分明，我平時唔飲咖啡都覺得唔差😉📍 MEMOIR (銅鑼灣)🌎 銅鑼灣登龍街28號永光中心17樓點擊圖片放大 +7
