《尖沙咀食乜好》 ⤑ 尖沙咀YAMM七月推出限定海鮮祭「仲夏海貝 ‧ 海鮮自助晚宴」，用上時令貝類海產+海鮮做主題🐚。7月31日前星期日至四期間經網上訂座輸入優惠碼「YAMM22」仲會有78折，仲有幾日時間比大家訂位🔥，海鮮控必去！ 🪸仲夏海貝 ‧ 海鮮自助晚宴🪸 2023年7月1日至8月31日 晚上6時30分至10時供應 星期一至四（公眾假期除外） HK$718（成人） / HK$398（小童） 星期五至日，公眾假期及前夕 HK$758（成人） / HK$428（小童） 🔸冰鎮海鮮點擊圖片放大 +2 ·波士頓龍蝦·鮮蟹 ·鱈場蟹腳·凍蝦 ·青口·蜆 ·瀨尿蝦 款式都有7款以自助餐來講算夠多款👍🏻，龍蝦肉結實有膏，蟹腳粗身厚肉唔會過鹹，最估唔到有瀨尿蝦🥰。 食得辣嘅亦都可以試吓川味醃鮮蟹，辣辣哋好過癮🦀 🔸刺身 ·三文魚·鯛魚 ·八爪魚·牡丹蝦 ·帶子·吞拿魚 ·希靈魚 估唔到刺身都有7款咁多，食落夠新鮮個人最愛牡丹蝦&帶子非常鮮甜🫢～ 手握壽司都非常多款式又搶眼，有炸蝦卷、赤貝壽司仲有即製手握海膽鮮北寄貝壽司🍣！ 🔸熱葷點擊圖片放大 +3 ·XO醬蒸鮮象拔蚌仔 ·蒜蓉粉絲蒸蟶子 ·香葱蒜茸燒生蠔 ·明太子沙律醬焗帆立貝 ·清酒煮鮮貝 ·泰黃咖喱炒龍蝦仔 ·紅燒海皇石鍋羹 ·蝦籽蟹皇錦繡班塊 ·白酒忌廉汁煮藍青口 呢度嘅熱葷算多元化除咗一般自助餐嘅燒肉、粉麵、燒味，海鮮熱盤方面都有唔少選擇，值得一讚呢度嘅海鮮全部洗得好乾淨尤其貝類海鮮食落都無沙石，每啖過足口癮😎！鍾意濃味嘅推薦燒生蠔&蒜蓉蒸蟶子入口充滿蒜香啖啖肉，清酒煮蜆蜆肉雖然唔算大隻，但入口十分鮮甜！ 🔸必食回本位推薦 · 迷你佛跳牆 ·蠔皇鮑魚花膠扣鴨掌 ·片皮鴨 其中必食推薦就喺用上小熱鍋承載住嘅迷你佛跳牆，食材非常足料小小一碗雞湯內裏有青口、花膠、鮑魚、翅、蜆，配料絕不馬虎而且熱騰騰，重點可以瘋狂encore🔥！另一重點蠔皇鮑魚&肥厚花膠亦炆煮嘅超級入味，同樣喺任食任拎絕對回本位之一✨ 🔸甜品點擊圖片放大 +4 ·葡撻 · 班蘭窩夫 ·Häagen-Dazs雪糕 ·日本抹茶白朱古力噴泉 〰️〰〰〰〰️〰〰️〰 #肥仔吃尖沙咀 ===================== Yamm 📍尖沙咀彌敦道118-130號Mira Place, The Mira Hong Kong 地下大堂
