《旺角食乜好》 ⤑ 趁天氣有涼意最好就食暖笠笠嘅邊爐🍲,今次去到酒店入邊嘅頂級火鍋店Canton Pot。環境同服務都無得輸,有包廂設計私隱度滿分💯同一班朋友嚟食都唔怕嘈親隔離,最正仲有獨立電視添😎 🆓而家幫櫬仲有「花膠燉陳皮紅棗糖水」送比大家,只要出示此Post就可以免費獲得一客,推廣期至3月31日‼️ 🔸湯底 餐廳賣點以滋潤靚湯馳名,最新推出「冬日花膠滋潤系列」雲集三款滋潤花膠湯底🍲。 今次我就叫咗「花膠燉響螺湯」$298,絕無誇張,成煲湯底都係滿滿花膠同螺肉😍 煮滾後店員會先裝碗靚湯比你品嚐,湯底鮮甜夠足料,重點花膠厚肉又飽滿,每啖都食緊好豐富嘅骨膠原🤤夠晒滋補養顏,估唔到打邊爐都有靚湯飲啊!!! 🔸醬料 呢度嘅醬料每位人頭$28,價錢雖然略貴但亦都夠特別唔馬虎有齊12款配料!除咗大路嘅辣椒炸蒜之外,一定要試吓佢地師傅自家製麻辣醬同沙嗲醬,辣中帶麻越食越惹味🔥 🔸「牛一快樂」生日蛋糕 $668 如果同食肉獸慶祝生日叫呢個蛋糕就啱晒啦🤣,牛肉拼盤堆砌成蛋糕形狀插上生日牌,夠晒過癮🎂。由上到下分別有三款牛肉分別;A5級鹿兒島薩摩和牛、美國牛頸脊同本地新鮮牛頸脊🐂!三款肉質都相當好,A5和牛清晰可見雪花油脂入口有溶化感,而本地牛頸脊厚切有咬口肉味最濃! 🔸 「珍寶海鮮匯」海洋拼盤 $498/2位 海鮮拼盤分別有2位/4位用價錢,海鮮非常新鮮👍🏻分別有南非鮑魚(四頭)、愛爾蘭蟶子皇、日本元貝、瑤柱鮮蝦滑。點擊圖片放大 鮑魚切成薄片烚幾秒就食得爽口彈牙,元貝因為當日無貨所以就比多兩隻蟶子皇,入口無沙又大隻厚肉,超級滿足! 🔸蟹籽海皇餃 半份$54 🔸澳洲M5級和牛芝士餃 半份$64 呢到餃子亦係餐廳全手工製造,餃子餡料夠特別🥟。海皇餃內裏包住彈牙蝦滑加上爽口蟹籽,和牛芝士餃一咬開流心芝士就傾瀉而出肉味香濃,要小心啲食呀🫢 🔸四合丸 半份$59 以鮮蝦肉、鮮墨魚、露筍及金華火腿手打而成,咬落爽彈鮮味! 🔸響鈴 半份$34 自家即炸響鈴除咗滾湯食仲可以沾上甜酸汁,非常酥脆零油膩! ======================= canton pot 📍旺角廣東道1131號旺角薈賢居2樓 =======================