《銅鑼灣食乜好》⤑一班人諗唔到食咩最好就喺食燒肉放題，包羅萬有一定岩食🙈今次同朋友們去到呢間和牛燒肉放題 日本料理更有Omakase 師傅坐鎮，餐廳喺岩手縣擁有自家養殖黑毛和牛農場，保證可以食到多款高質A5靚牛✨🔸價錢成人分別有三個放題價錢$298、$348 同$458💸最貴Set可以120分鐘內任食10款和牛部位及一系列放題食物！🔸送龍蝦刺身船/象拔蚌刺身 🆓 新張期間仲做緊優惠🎊喺9月30號前只要4人同行，提前兩日訂座$498「尊貴日本和牛放題」就可以免費享用原隻龍蝦刺身船一客，9月尾後就送象拔蚌刺身😍～ 刺身船砌得靚仔種類又豐富🦞主角龍蝦勁鮮甜 象拔蚌刺身亦夠爽脆，其他三文魚、帶子、吞拿魚、三文魚籽亦都唔錯💖🔸和牛拼盤 叫最貴和牛Set會先送上和牛拼盤🎌，可以試啱鐘意邊款部位再瘋狂encore🤣！ 用上木板梯級呈上，店員建議由最高層淡味部位食到最底濃味👍🏻分別有熊本A5牛肩胛、A5牛頸脊、A5牛五花、牛匠岩手A5牛小排、A5牛冧、A4熊本牛肩梅花、A4後腰肉、熊本A5稀有汁燒千本筋同秘製慢煮牛舌粒🐮，整體油花偏重入口有溶化感🤤 最後可以試埋日本 A5 飛驒和牛沙律，配搭酸甜醬汁解一下油膩感，再衝過🤣🔸海鮮拼盤點擊圖片放大 +2 海鮮有齊爆膏甲羅燒，啖啖蟹膏勁滋味🦀扇貝大隻又夠厚肉、蠔亦夠新鮮鮮甜🦪，最後虎蝦搽上香濃牛油汁更可以再落單～咁多款放題食物，肥仔就有幾款必食推薦💁🏻♂️ 🔸A5 熊本黑毛和牛玉子燒和牛燒到七成熟再沾埋日本蛋汁， 濃香和牛同蛋香融合入口更添滑溜🤤！🔸黑松露燒牛肉他他他他以安格斯牛為主角，底下配搭調製過嘅醃洋蔥、黑松露同蔥花，惹味又有層次感～ 🔸飛驒牛刺身只要沾少許醬汁就食出濃厚牛肉香，必叫！點擊圖片放大 +3 其他仲有任食豬、雞、海鮮炸物、刺身灸燒壽司、手卷同多款食物，最後仲有雪糕做結尾🥢〰️〰️〰️〰️〰️〰️〰️〰️〰️〰️#肥仔吃銅鑼灣=======================牛川日本和牛專門店 📍銅鑼灣謝斐道496號金利文廣場3樓 =======================
