《銅鑼灣食乜好》 ⤑ 食肉獸一定啱晒，銅鑼灣又多一間日式燒肉🔥今次新店由「Beefar’s」旗下品牌「牛舞Gyumai」喺利舞臺開設第3間分店🪅，以日本薩摩和牛做主打+涮涮鍋🍲任飲任食放題‼️ 新店地方非常寬敞，更設有貴賓房一大班朋友聚會絕對無問題🗣而且由品牌代表日本經營企劃部部長前畑一朗親臨香港監督及主理品質一定有保證💫 新開幕期間仲做緊唔少優惠🎊 🔅2位即送「4% 奇跡之牛」巨切 🔅3位即送「薩摩牛層層疊」 🔅指定放題套餐每人會送一客「甲羅燒」 🔅指定放題套餐送牛舞拼盤 🔸價錢 餐廳提供5款放題套餐同設有早鳥時間💸分別；日本薩摩和牛、樂天澳洲和牛、美國Prime牛肉、安格斯牛肉、特上豚肉。肥仔今次就叫咗最貴嘅日本薩摩和牛正價時段$628 早鳥$568，呢個Set可以叫晒餐牌上所有食物總共146款+自助區冷熱盤、飲品、甜品🍮！ 🔸涮涮鍋 燒肉放題只要+$58就可以追加涮涮鍋，湯底都有四款肥仔就揀咗皇牌牛骨Cappuccino濃湯湯底🐮，用咗大量牛骨蔬菜熬煮🥬湯底呈奶白色，味道夠香濃！ 🔸肉類 呢個Set當然要勁食薩摩牛先唔會蝕本啦😛，每款都A4等級以上，全部來自自家農場空運直送香港✨ 一次過可以試晒來自鹿兒島嘅薩摩和牛肋肉、赤肉、和牛粒、醬燒牛肋條等燒肉， 尤其喺「薩摩牛層層疊」肉質極級鬆軟細滑入口即溶‼️ 另一款「4% 奇跡之牛」油脂分布相當平均，仲係霜降程度達10級以上嘅A5級🤤當然仲有豬、雞、羊選擇超多款式！ 🔸海鮮 最貴嘅Set喺有甲羅燒任食，簡直係肥仔嘅心頭好呀🥹 每啖蟹膏都非常鮮味！另外雞泡魚乾、磯煮鮑魚、黃花一夜燒、鰻魚串等等都喺任食㗎！ 🔸刺身+炸物 刺身都有幾多款式；三文魚、甜蝦、八爪魚、帶子！點擊圖片放大 炸物類都好豐富，天婦羅🍤、章魚小丸子、雞皮餃子🥟等，怕唔夠飽嘅仲有炒烏冬、蕎麥麵等保證飽肚😂 🔸自助區+甜品 出面自助區仲有幾款熱盤好似；牛油炸雞翼、豉椒炒蜆、燒漢堡扒，最估唔到係酸菜魚都有😳 另外就有小雪櫃放火鍋配料同凍盤等等～ 甜品方面除咗有生果仲有日式和菓子，重點係有勁多款日本雪條☃️ 〰️〰️〰️〰️〰️〰️〰️〰️〰️〰️〰️〰️ ======================== 牛舞Gyumai 📍香港銅鑼灣波斯富街99號利舞臺廣場8樓A號舖 📍元朗元龍街9號形點1期1樓1073號舖 📍觀塘觀塘道414號1亞太中心10樓 ========================
