《荃灣食乜好》⤑ 荃灣千色匯地下新開咗間由韓國人主理嘅韓式外賣店🇰🇷，懶得煮飯嘅朋友又多間外賣選擇啦🤪 韓式小店主打韓式炸雞、紫菜飯卷、韓式炒粉絲、韓式地道前菜、醬油蟹之類 門口仲放咗個大型雪櫃擺放住唔同嘅醃製肉類、急凍食品等等，用嚟屋企韓燒就啱晒啦💥 要注意目前仲喺試業中，未正式營業所以暫時只收現金💰同埋外賣店只做外賣🥡，所以冇堂食位置㗎！⤑點擊圖片放大 +2 韓式炸雞有8款口味例如；雪霜芝士炸雞、香辣炸雞、蒜香醬油、洋蔥忌廉炸雞等等，可選有骨或無骨🐣，$40就有半份！⇛ ▫️ 秘製微辣蛋黃醬炸雞 $188 炸雞都用上新鮮雞即叫即炸大概等15分鍾左右，全隻雞嘅份量都幾大份，雖然拎到返屋企凍咗少少🤏🏻但外皮依舊食到脆香有啲似咕嚕肉嘅感覺😂，雞肉咬落夠嫩滑多汁，炸雞表面都塗上青椒混合蛋黃醬🫑食落甜甜哋帶微辣，好惹味！！！ 而且附上檸檬同一盒青椒蛋黃醬汁🍋，嫌唔夠重口味可以再沾汁😛～⇛ ▫️芝士波波 3粒+$25 成粒波波出面已經塗滿芝士粉🧀內餡鹹鹹甜甜唔喺有芝心效果個款，但超級煙韌似麻薯嘅感覺，勁推薦必加✨！！！⇛ ▫️牛肉紫菜飯卷 $45 一條飯卷有十舊左右，聞落麻油味勁香但食落就唔覺好濃，餡料有青瓜絲、蘿蔔絲、牛肉、蛋絲等等都相當足料！⇛ ▫️kimchi煎餅 $60 外賣關係返到屋企比水蒸氣焗到淋左🥺材料都幾豐富，加入唔少洋蔥🧅、蔥絲、泡菜，同有個韓式洋蔥汁味道其實唔差，如果即食應該好正！〰️〰️〰️〰️〰️〰️〰️〰️〰️〰️〰️〰️======================== Yellow KooCoo (荃灣)📍荃灣眾安街68號荃灣千色匯1期地下G025號舖⏰10:00～21:00=========================
