《油麻地食乜好》⤑ 已經唔知幾耐冇食過潮州打冷，朋友們都勁力推薦油麻地呢間老字號打冷店，除咗潮州菜仲有各款鑊氣小炒等等🔥餐廳樓高兩層坐位都幾多，大部份店員都係後生仔女都幾友善💛，但由於人氣超強勁啊當日未夠七點已經全場爆滿人😲 所以記得要book左位先好黎！⤑▫️潮州靚鵝片 $148 比較鍾意叫鵝片貪佢大大塊啖啖肉，肉質就唔算太腍滑但就非常入味，底部仲有花生同厚切滷水豆腐！⇛ ▫️滷水什錦 $138 花多眼亂樣樣都想食嘅話一定係叫什錦🤤，一次過試勻幾款潮州滷水，分別有【紅腸、墨魚、豬頭肉、豬耳、豬腸、鵝腸、雞腎】份量超大碟底部仲有芽菜，每樣都超級入味，佢個辣椒油都幾辣記得唔好點咁多😆～⇛ ▫️馳名煎蠔餅 $80 一碟有兩大塊熱辣辣炸好，超級香脆感覺超熱氣🤣！蠔仔size都唔算太細粒，即使有啲位冇蠔仔每口都喺勁脆勁香口！⇛ ▫️蠔仔肉碎粥 （小） $38 有分小/中/大size🦪，小size都足夠兩個人食因為好足料，蠔仔份量都算多同埋有啲魷魚乾所以碗粥都充滿鮮甜味～⤑呢間性價比都幾高價錢唔算好貴，每碟份量都超大碟，最後兩個人每樣都食剩半碟要打包😜而且店員態度都真喺幾Ok，絕對回頭！〰️〰️〰️〰️〰️〰️〰️〰️〰️〰️〰️〰️========================= 紅伶飯店 (油麻地)📍油麻地砵蘭街10-16號宜發大廈地下D及E號舖⏰17:00～00:00☎️3481 2020=========================
