《太子食乜好》 ⤑ 太子又開咗新餐廳當然要試試，最初經過望到個Logo以為喺買山系用品/整手作嘅地方🤣，門口裝修偏向日系簡約風格有點點文青氣息🍃 ⤑點擊圖片放大 店內面積偏細只有八個座位，格局其實有啲似日式拉麵店🍜 因為用上開放式廚房所以通風比較侷促一啲，但細心位喺每張枱上都有把風扇仔所以其實都OK，重點係成間店舖只有一人廚師主理，所以交流更加方便食得出喺有誠意嘅料理，晚市主打燒物/串燒/炸物/佐酒小食🍢，午市就有貝果沙律等等🥯同晚市唔同餐單㗎，如果諗唔到食咩可以問問廚師意見💕 ⇛ ▫️魷魚軟骨沙律 $48 魷魚軟骨有沙律醬調味過而且好有咬口😛，沙律菜面頭再加咗蛋黃醬，份量都幾大碟呢個價錢都幾抵食！ ⇛ ▫️手工櫻花蝦醬拌凍豆腐 $48 手工制嘅櫻花蝦醬食落鹹香惹味，配埋淡味嘅凍豆腐，味道就啱啱好唔會太過鹹！ ⇛ ▫️清酒煮加拿大藍青口 $78 青口洗得好乾淨食落唔會有沙夠鮮甜，每隻都開晒口有肉👅，用上清酒煮更帶出鮮味🍶～ ⇛ ▫️燒日式腩肉串 $28 腩肉用上五花腩脂肪同肉層次分明🐷，搽上日式燒汁腩肉邊燒得微微焦香，食完有少少罪惡感🙈～ ⇛ ▫️燒鰈魚 $88 魚肉燒得有少少脆皮肉質就偏實啲，醃得都好夠味🐟！ 〰️〰️〰️〰️〰️〰️〰️〰️〰️〰️〰️〰️ ======================== 山系。本舍 (太子) 📍太子界限街23號地下A1號舖 ☎️6188 8741 ⏰12:00～00:00 =========================
