《觀塘食乜好》 ⤑ 每次睇人介紹觀塘Cafe都有呢間人氣熱店，一直Save想去嘅名單當中📝由於冇得預約每次都的唔起心肝排隊😢！ 今次假期諗住碰吓運氣的確Cls多人，之後拎咗籌去食個晏晝再返嚟食甜品算數，如果就咁等應該餓死😂 ⇛ 餐廳喺工業區樓上鋪，所以等位個陣都幾熱⚠️重點係冇電梯直達，要先上二樓再行一層樓梯～ 整間店用上木系色調空間感都幾闊落，座位其實都幾多🪵！但係令我費解就係明明已經排得好長人龍，餐廳內有幾張吉枱都唔會叫人入座🤔好奇怪的經營模式～ ⇛ ▪️意大利芝士熔岩 $ 98 咁啱入座時間撞正15:00下午茶時間🫖，當然要叫呢個Tiramisu！ 一拉起膠片大量忌廉湧出，效果真喺幾澎湃當然要相機食先📸！ 面頭灑上大量可可粉，入面比較濕潤，芝士忌廉入口香滑而且帶濃郁咖啡及酒香，整體真係幾高質💯難怪每枱必叫！ ⇛ ▪️榛子·朱古力·焦糖香蕉·梳乎厘班戟 $95 另一款就叫咗呢度嘅招牌梳乎厘pancake🍳，鍾意加雪糕食嘅話可以另外+$18有Häagen-Dazs/Movenpick🍦！每份都係即時製作，所以等候時間大概20分鐘，份量有兩大片，但空氣感失色咗啲，用碟搖擺都無震騰騰郁動有少少失望呢😢！ 不過食落都幾輕盈鬆軟，面頭個篤榛子醬較偏甜🍫所以都建議唔使落咁多楓糖漿，兩款比較嘅話都係鍾意Tiramisu多啲😝～ ⇛ 好處係呢度冇加一，同無最低消費💸印象中亦都冇講有限座時間，而且牆身有叉電位，不過環境就嘈少少追求寧靜嘅Cafe就唔太適合你啦😉～ 〰️〰️〰️〰️〰️〰️〰️〰️〰️〰️〰️〰️〰️ ======================== Cobber Coffee and Tonys Pastry (觀塘) 📍觀塘駿業里8號世貿大樓1樓 ☎️3468 3509 ⏰11:30～22:00 =========================
