《尖沙咀食乜好》 ⤑ 放工經朋友帶路先知尖沙咀後巷有間隱蔽串燒店🍢,裝修偏向工業風環境比較細,所以坐位唔算太多,要食真喺要Book咗位先,因為個日好多人摸門釘😂!點擊圖片放大 ⤑ 餐廳主打過百款四川麻辣/日式醬汁串燒,更有用港產粗口推出嘅手工啤酒🍻,放工可以同朋友食住串燒隊返杯《屌》《閪》啤減減壓🗣! ⤑ 麻辣醬燒雞肉串 (兩串) $38 雞肉應該用上雞髀肉都幾嫩滑,麻辣醬對鐘意食辣嘅人嚟講可以再辣啲😏! ⇛ 川式麻辣香燒餃子雞翼 (兩隻) $49 餃子雞翼內餡用上明太子,雞皮脆脆內裡略帶鹹香,辣度都有小辣效果係惹味之選! ⇛ 鹽燒厚切牛舌 $ 68 牛舌厚厚的口感軟熟,好怕食到會燒得好奀嘅牛舌呢到燒得啱啱好爽彈夠Juicy!!!推薦👅 ⇛ 惹味汁燒豬仔髀 (兩隻) $59 豬仔髀預先切過所以更入味,搽上燒汁外層燒得焦脆乾身,灑上孜然粉更惹味! ⇛ 芝士竹輪 $ 22 喜歡食芝士必點!一咬開噴射芝心出嚟🤣,小心辣親個嘴仔👄! ⇛ 黃金蒜蓉燒扇貝 (三隻) $ 88 單單醬汁味道都有8款選擇,一份已經有三大隻🤤黃金蒜蓉砌成小山丘用火熗燒過表面,內裡帶子夠新鮮厚實! ⇛ 香草燒紐西蘭羊架 (兩隻) $98 羊架大件厚肉加上香草燒過香氣十足🌿,肉質唔會燒得太熟,所以仲保持到鮮嫩多汁! ⇛ 日本雞皮串 (兩隻) $ 36 以小塊雞皮串起搽上日式燒汁而成,本身幾期待以為係會燒得卜卜脆個款,呢款相對冇咁脆身但就多左醬汁嘅味道🐥~ ⇛ 日式芝士焗玉子 $ 39 玉子燒面頭加上沙律醬同大量芝士燒焗🧀,玉子甜甜地加上落左日式木魚碎食落似大阪燒😂嚟到要盡快食用凍咗會做唔到拉絲效果! 〰️〰️〰️〰️〰️〰️〰️〰️〰️〰️〰️〰️ ======================== 串酒里 (尖沙咀) 📍尖沙咀山林道6號B舖 (漢國中心對面) ☎️2234 5001 / 9509 9995 ⏰12:00~22:00 =========================