《荃灣食乜好》⤑ 一鍋堂喺葵芳開咗旗艦店啦🎊地方夠曬大佔地13,000 呎,最怕逼住咁打邊爐🍲呢到裝修寬敞闊落~ 以日式簡約為主坐位舒適環境極具空間感🛋牆身都掛上好多特色霓虹燈,而且係有潮語打卡位😆! ⤑晚市係有120分鐘任飲任食,絕對唔怕食唔飽,只怕你試唔晒所有野😂!套餐有三款價錢,各有唔同時段收費💸; ▪️A 精選進口肉 19:00前離座 $158 ▪️B特選安格斯牛 19:00前離座$198▪️C高級澳洲和牛 19:00前離座$248⤑ 特色湯底多達15款,有辣有唔辣一定有款啱你✨葵芳店更有兩款同金寶湯聯乘炮製限定湯底🥫,用上獨家火鍋湯底配方【忌廉周打蜆湯】、【蕃茄牛尾湯】!⤑肥仔就叫咗B餐落單方式大部份食物都用掃描Qr code自助落單🔎 湯底選咗【胡椒豬肚湯】餐廳標榜每日新鮮熬製豬骨湯底,但湯頭唔算好濃烈只有微微胡椒香,唔會太辛辣~⤑因為太多食物真喺試唔曬要同時間競賽😂 牛肉類相當高質當中必食;【封門柳、牛脷心托、美國安格斯牛板健🐮 】肉味香濃牛脷心亦好爽脆,叫左幾次👍🏻! 人手包手工餃子【麻辣豬肉餃 】、【咖哩豬肉餃】皮唔算好薄但口味夠獨特!最受歡迎一定係自家製手工丸子、蝦滑墨魚滑🦑鮮味夠彈牙!【真喺花膠】真係Cls咁大塊,拎起都相當有份量😹! 海鮮類亦多元代【韓式BB八爪魚🐙、手串生猛海蝦🦐、沙白蜆、珍珠貝、白膳鯇魚片】等等🐟!⤑點擊圖片放大 出面亦有適量放題可以任食自助吧內40幾款小食配料😍 熱盤例如有鴨血三寶、豆腐入晒味鴨血大大件夠麻香,辣度只屬BB辣💥炸珍寶陳皮檸檬魚旦、黃金炸魚皮大量鹹蛋黃包圍,鹹香惹味! 凍盤亦有凍蝦、生律菜、泡椒鳳爪、醉香麻辣豬手、麻辣豬耳等等🌶⋯⤑ 飲品同菜類都有大型雪櫃自取🥬,飲品罐裝同紙包飲品少不免🧃 值得一提係有自家製手沖養身飲品,款式都唔小例如有冰糖燉檸檬🍋、蝶豆花茶、洛神花茶、薄荷鳥龍茶,感覺較健康低糖💕!⤑ 食飽記得食埋出面雪糕機自己唧嘅【牛乳雪糕】,奶味都幾濃同幼滑唔錯!不過就冇topping加會冇咁開心😔!⤑總結性價比幾高食材都好新鮮同用料靚貨,每份食物都大大碟唔會比得兩三舊,重點係都冇甩單太大問題😜!〰️〰️〰️〰️〰️〰️〰️〰️〰️〰️〰️〰️========================= 一鍋堂 (新都會廣場) (葵芳)📍葵芳興芳路223號新都會廣場6樓601-610號舖☎️3618 8219⏰11:30~22:00*一鍋堂 (XX Arcade) (旺角)📍旺角豉油街60-104號XX Arcade東翼2樓*一鍋堂 (荃灣)📍荃灣眾安街55號大鴻輝中心19樓=========================