來來雞煲原班人馬竟然再係銅鑼灣開新店~ 新開張仲推出3款優惠🎊,緊係要叫埋朋友回味一下當年味道👅!款式比以前更多元化,重慶辣雞煲外、仲有【滋補花膠瑤柱雞、潮式胡椒豬肚雞、養顏海底椰子雞】 地方光猛夠寬躺,用掛簾隔開左右衛生又有私隱😌!⤑優惠1️⃣ 半價食雞煲🐔◽️重慶辣雞煲 半隻 $ 74 半隻雞份量都好多雞件肉質鮮嫩,醬汁夠香濃,中辣辣度不容忽視🙈又辣又香!⤑優惠2️⃣ 用優惠價食埋精選配料🍲◽️重慶肥腸 $ 42◽️廣島蠔 6隻 $ 58◽️牛氣沖天【牛腩、牛筋、牛舌、金錢肚】$58/加選嘅配料都會同雞煲一齊煮起再上枱,夠晒濃郁惹味,牛筋煮得又軟又彈,肥腸非常入味,廣島蠔亦冇縮水呢個價錢,真係抵食!⤑食完雞煲當然要加湯打邊爐啦,其他配料有近80款,選擇豐富!◽️即炸響鈴 $ 58 新鮮炸起嚟到仲係熱辣辣💥,打邊爐輕輕焯幾秒已經食得,另一食法可以沾埋個甜酸汁就咁食,勁脆香,必叫!/◽️特級雪花牛肉粒 $ 68 一口一粒脂肪分佈均勻,🐮肉味濃郁!/◽️即包鮮蝦雲吞 半份 $ 42 雲吞係自家製,内餡飽滿🦐夠足料!/◽️手打墨魚丸 半份 $ 48 面頭設有蟹籽,新鮮手打入口彈牙鮮味,食落仲有墨魚粒🦑!/◽️鮮粉腸 半份 $ 32 內臟洗得好乾淨,亦冇苦澀味!⤑ 大部份配料都可以選擇半份/一份,對於兩個人食嘅話真係啱晒👍🏻,唔洗驚食唔晒亦可叫多幾款😆!⤑優惠3️⃣ 奉送宮廷滋養糖水🍮 最後食飽仲附送糖水,每日不同款式,今日就係涼粉入面更有乳酸爆珠🥰!⤑▪️價錢 🙇🏻♂️加一服務費🫖醬料茶芥$12一位〰️〰️〰️〰️〰️〰️〰️〰️〰️〰️〰️〰️〰️========================= 阿來客棧 (銅鑼灣)📍銅鑼灣渣甸街50號渣甸中心25樓☎️2577 7880⏰12:30~17:00 / 18:00~22:00=========================