鐘意食海鮮又鐘意食雞煲打邊爐🍲,肥仔有好推薦😍!一個價錢7款驚喜,食足2.5小時,座位都係舒適卡位,一大班朋友啱晒🗣!最重要係可以喪叫生猛海鮮,海鮮控不能錯過‼️ ⤑ 1️⃣是日精選足料燉湯 一坐低先送上燉湯暖暖胃,飲得出絕無添加味精,當日就係青紅蘿蔔粟米煲豬展,勁有屋企feel夠晒火喉🥰! ⤑ 2️⃣時令刺身拼盤 每一枱都會送上當日新鮮刺身,但今次就同朋友仔食豪啲😝!+$788升級叫左《魔王西澳龍蝦象拔蚌海立魚刺身拼盤》,真係一分錢一分貨,海鮮做刺身新鮮好重要,龍蝦肉質彈牙夠鮮甜,象拔蚌夠爽脆,海立魚夠鮮有少少柚子香🥺,好正! ⤑ 3️⃣廚師推介小食 店員勁nice叫我地like fb 同share再送一客小食,當日就係黑松露和牛配凍蕃茄,作為一個開胃前菜真係好適合,和牛下面嘅洋蔥有調製過成件事,勁夾👅! ⤑ 4️⃣惹味花膠年糕雞煲 有得選擇辣度,雞煲夠晒濃味,雞肉超級嫩滑而且花膠大大塊勁豪氣😯, 年糕嗦晒雞煲醬汁超入味,重點係雞煲都可以無限追加♾️!!! ⤑ 5️⃣阿爺是日湯底 每款湯底都會定期轉換,當日有龍蝦湯同椰子雞湯,可以選擇鴛鴦鍋!椰子雞清甜唔油膩較推薦食蔬菜、肉類,龍蝦湯配海鮮就更一流😋! ⤑ 6️⃣超級海鮮盒 海鮮盒係跟人數上枱嘅,【南非鮑魚、日本元貝、龍蝦】,活海鮮每款都新鮮生猛,飽魚仲識郁㗎😍夠彈牙容易咬開! ⤑ 7️⃣任叫火鍋配料 淨係海鮮都有十幾款可以任叫,而且唔係普通平價海鮮,係有飽魚、蟶子皇、生蠔、花蟹等等都任食🤤⋯超回本位呀‼️ +$8更可以轉南非鮑魚任食~ 追求更高質牛肉的強烈推薦+$18封門柳🐮,牛味濃郁肉質鮮嫩,就算煮耐咗都好淋,必加🙊! 甜品個雪糕都好唔錯,每次隨機豆腐味個荳香好濃😚! ⤑ 總結海鮮洗得好乾淨,唔會污糟糟咁,加埋用料夠新鮮同足料,幾推薦愛食海鮮嘅朋友仔🍻 ⤑ ⚠️ 澄清先阿爺係2019年已經頂手經營,所以上手老闆tvb男藝人完全冇關係❗️希望大家唔好誤會啦‼️ ⤑ 💰價錢 15:00~17:30 $318 17:00~19:30 $338 19:30~22:00 $358 🙇🏻♂️加一服務費 🧃飲品+$20 任飲 〰️〰️〰️〰️〰️〰️〰️〰️〰️〰️〰️〰️〰️ ========================= 阿爺八鮮鍋 (旺角) 📍旺角登打士街43H號登打士廣場3樓 ☎️2527 8383 ⏰星期一至日 15:00~22:00 =========================