水門雞飯之前都幫櫬過好幾次，呢家再係旺角開分店真係勁方便😙！不過最吸引我嘅地方唔係海南雞飯，係呢到嘅湯粉同小食🤤～⤑🔸 水門雙拼雞飯 $ 56 有齊炸雞同海南雞兩款，雞皮都較薄，脂肪較少🐣肉質嫩滑，但炸雞始終唔係即炸起，感覺都係差少少😟，兩款嚟講都係海南雞優勝！油飯好出色，好濃香料味而且粒粒分明👍🏻！附送嘅冬瓜湯幾重胡椒味，唔錯😽⤑🔸 金牌胡椒豬什粉 $ 48 平時除咗雞飯必定會叫冬陰功湯粉🌶，今次轉下新鮮感叫胡椒豬什⋯但就有點中伏😞！粉麵係自選的，湯底ok啦唔算好濃胡椒味，不過不失咁🤔豬粉腸冇異味算合格，但豬潤好明顯煮得過老，好硬x3😵!!!下次都係食返冬陰功😢⤑🔸泰式腩仔 $ 52 呢個真係不得了！好食到癲🤤！個皮勁脆，五花腩一層脂肪一層肉勁邪惡😈！個泰式辣汁又勁夾勁惹味，酸酸辣辣咁，必嗌💯！⤑🔸泰式奶茶 $ 22 泰式奶茶都係偏甜㗎啦，夠濃整體唔錯😛⤑🔸泰式咖啡 $ 22咖啡味唔算好濃，可能泰式風味？唔太似平時飲開港式咖啡個款😗，個人口味麻麻哋～========================= 水門雞飯 (豉油街) (旺角)📍旺角豉油街21C號地舖⏰12:00～22:00☎️2809 2918*水門雞飯 (萬勤商業大廈) (尖沙咀)📍尖沙咀金馬倫道18號萬勤商業大廈地舖*水門雞飯 (汀角路) (大埔)📍大埔汀角路11號地舖*水門雞飯 (百宜樓) (元朗)📍元朗教育路24-36號百宜樓地下A號舖=========================
