今次肥仔介紹呢個可以講喺親子一家大細·情侶都適合嘅一日遊🏖⋯⋯大家快啲收藏同約朋友一齊去啦😆！係大埔市中心食飽飽就可以坐 75K巴士或小巴直達大美督總站🚌交通都好方便！⤑ 1️⃣第一站先去【大美督水上活動中心】方向踩天鵝船🦢！ 一直向海邊方向行就會見到二至三間租艇的士多，大家都有唔同類型嘅船仔可以選擇🛶！ 當日就見到有勁可愛嘅多啦A夢😍、多啦美🎀、Line嘅熊大🐻、Cony🐰、鴨仔🐤、同最傳統嘅天鵝🦢！ 二人或四人船⛵️唔同公仔價格都各有不同，大家可以參考一下💸⋯⋯⤑因為假期關係都較多人，所以留低電話有船就會通知📞，係等船期間可以係士多先休息一下～ 順便食咗好耐冇食過嘅菠蘿冰🍍同蜜桃冰🍑，係咁熱嘅天氣食真係特別爽☃️！⤑上船前要先放低按金，記得預多小小錢啦💸 上船前可以先挑選救生衣🦺，大人至小朋友size都有齊，最小的應該一歲左右都可以穿，可以放心💓⋯⋯ ⤑出海吹吹海風🌊一個鐘其實唔覺眼好快就過😆， 如果同小朋友去基本上係由大人去踩，因為個腳位都幾長，小朋友可以負責揸呔盤😹⋯⋯ ⤑2️⃣玩完之後第二站可以住汀角路出發，其實附近一帶都有唔同類型嘅餐廳🍴，不過去得大尾篤當然要BBQ👅 今次去嘅BBQ係主打任食嘅懶人燒烤，最方便係唔洗拮肉又唔洗用手拎住燒😽，懶鬼啱晒～ ⤑每人入場會有一張飲品卷、同只派發一次嘅蝦、蜆（當日喺青口）、金菇+芝士牛油醬🧈、菠蘿🍍、香蕉🍌⋯點擊圖片放大 其他基本扒類🥩丸類🍡蔬菜類🥬就任食的～點擊圖片放大 +2 但特別推薦嘅係牛仔骨、牛肉串、羊架、金沙骨、雞全翼💥， 可以加上提供嘅辣粉/孜然粉或辣豉油更有風味😛，不過最扣分蜜糖係要比錢買的😟！ ⤑小建議大家可以坐最入處嘅位，雖然冇瓦遮頭但位置較隱蔽同小人，其他有瓦遮嘅位置一多人就好似火燭咁，勁大煙隻眼好辛苦🥺！⤑任食3個鐘其實都已經好夠飽，成人一至日價錢$178/小童價錢$108，開爐費$50，飲品$9罐/樽裝$11-$13都叫可以接受範圍！食物多元化味道都唔錯，懶人可以一戰！⤑🦟記得噴蚊怕水同貼蚊貼，被咬四、五粒！好嬲😫========================= 巴希雅海灣重慶燒烤 (大埔)📍大埔汀角路龍尾村101號☎️ 2662 6869 / 5188 8409⏰星期一至五 17:00～01:00 / 六日 12:30～01:00/📍大美督水上活動中心交通：🚌巴士75K / 275R(假日)🚐 專線小巴20C=========================
