九龍城好多間泰菜今次幫櫬呢間係，由泰國華橋開設的泰國菜館🇹🇭，感覺有啲似家庭式經營，全部都係泰國人態度友善有禮，落單後仲會鞠躬🙇♀️⋯⤑除咗餐牌上可以單點，餐廳仲有好多唔同套餐選擇，價格都幾化算✔️！點擊圖片放大 ⤑🔸冬陰功湯 $75 （小） 基本上食泰國嘢我都會試吓個間餐廳嘅冬陰功😛，叫小嘅份量都已經足夠兩三個人飲，味道地道夠正宗，配料十足而且有三隻大蝦，夠酸夠辣好開胃🌶！⤑🔸泰式老虎笑 $98 店員姐姐大力推薦的，開頭諗緊乜叫🐯笑，原來係一碟燒牛肉，燒得七成熟口感軟嫩牛味出眾，果然沒推介錯🤩！ 加上個秘製泰式辣汁，辣得惹味！必叫👍🏻！⤑🔸泰式串燒 豬肉雞肉 $12 / 1串 🔸燒雞全翼 $17 串燒燒得焦香，尤其推薦雞肉🤤， 配上濃郁的沙嗲醬，帶點花生香，真係食唔停口😬！⤑🔸泰式乾炒雞肉河 $53 河粉係用闊身個款炒得勁香勁有鑊氣😍， 每條都非常乾身，雞肉亦唔孤寒！⤑🔸 芒果糯米飯 $50 有齊黑白糯米兩款，重點夠熱而且煙煙韌韌，椰漿甜度適中， 加上呂宋芒絕配🥭！⤑🔸珍多冰$22🔸椰青$30 椰青味道清甜，內裏嘅椰肉都唔少啊～珍多冰椰汁非常濃郁，配料好豐富比坊間個啲多，夠晒真材實料！⤑ 總括味道相當有保證，食物都比同區泰菜館便宜，Cp值好高份量大碟，食咁多$400有找，果然係一間屹立多年嘅老店，最後係飽到要捧住個肚走人😆！========================= 金麥泰泰國菜館 (九龍城)📍九龍城南角道34號地下☎️2718 1801⏰11:00～00:00=========================
