心思思想打個邊爐👅，係Popcorn商場搵咗間任食日式火鍋🍲，性價比高嘅話價錢午市$98已經有交易啦👀，都會包埋飲品區同甜品區域，而且一人一鍋唔怕口水交流😆湯底亦多達8款選擇！ 最好係環境十分光猛，座位都係舒適嘅梳化位，唔會太逼！ / 🐮晚市【美國Srf和牛套餐】 $218一位 店員推薦最新登場嘅《富士蘋果湯底》味道較清新🍎，愛濃味的可以試另一款嘅《博多麵豉湯底》味道就較濃郁帶香氣！點擊圖片放大 +2 牛肉都唔錯唔會太過肥幾有牛味，另外仲有五花肉同特選雞腿肉提供🐷 / ▫️醬料區 最吸引係呢到嘅配料超級多，可以用花多眼亂嚟形容🤩！用上一個自助餐區域分隔開，調味料區亦都有好特別嘅醬汁😳，好似韭菜醬汁、椰子芫荽汁、柚子昆布汁⋯ / ▫️自助區 提供蔬菜類都有成廿款選擇🥬，另外還有十多款丸子類、粉麵類⋯ 怕唔夠飽？ 其實仲有幾款熟食，沙律、咖哩、炸雞、吉列豬扒小食等等，問你飽未😮！ / ▫️甜品汽水區 最新奇喺呢度竟然會有DIY窩夫機😍，落好蛋漿調較好計時器，新鮮熱辣綠茶x原味窩夫出爐😝！ 再加上雪糕同朱古力脆片，我真係覺得我整得賣相100分㗎😏！ 另一邊仲有一個少少甜品區域🍮，例如有朱古力Brownie、草莓棉花糖、瑪德蓮蛋糕、紅豆白玉⋯ 飲品除咗普遍嘅汽水🥤、亦都有提供咖啡奶茶☕️！ / 差啲唔記得講呢到係會用上一部機械人送餐，感覺超盞鬼🤪 ，大家嚟食嘅時候準備好相機捕捉佢啦😆！ ========================= 大將 (將軍澳) 📍將軍澳唐賢街9號PopCorn商場1樓F10號舖 ☎️2668 3370 ⏰星期一至五11:30～16:30/17:30～23:00 星期六日 11:30～23:00 大將 (旺角) 📍旺角彌敦道700號T.O.P This is Our Place地庫FoodYum R1號檔 ☎️2333 3258 ⏰11:30～22:00 =========================
