土瓜灣呢間人氣Cafe非常值得一去，每個角落都是一個打卡位，不難拍到美照😎！ 咖啡店前身其實係一間懷舊傳統冰室，所以店內都保留左好多舊店舖嘅事物，例如地下嘅階磚、窗花、吊扇、白宮冰室招牌等等⋯同埋一啲70、80年代嘅玩具🪀小擺設等都會好容易發現到👀，好有尋寶感覺！點擊圖片放大 包括埋今次我坐緊卡位個位置，都保留住前身一樣😲，整間店舖可以講復古味超重呀‼️ / 假日嚟大概等20分鍾左右就入到啦，門口有兩排長櫈可以休息，都唔會太辛苦🙂！整間店舖坐位都算多，但想坐靚打卡位就可能要預先網上預約啦📸 / 要留意Cafe只有假日係有主食供應，而家推介嘅就係【日式A4石垣和牛料理】，每款和牛都有證書，保證靚貨！但今次吃飽咗午餐先嚟，所以就冇試到啦😝～ 呢度每人都有最低消費一杯飲品🍹，所以我地只係叫咗兩杯飲品同一份甜點🍮！ / ◽️飲品 🌹V𝒆𝒏𝒖𝒔 (𝑹𝒐𝒔𝒆 𝑳𝒂𝒕𝒕𝒆) $ 64 咖啡嘅器皿超精美，而且加上了幾片花瓣生色不少，整個感覺好華麗😍，味道亦不錯每啖都滲出玫瑰花香，茶香味突出非常值得一試！ / 🍫𝑫𝒂𝒓𝒌 𝑴𝒐𝒄𝒉𝒂 $ 69 面層加上忌廉同可可粉，味道更濃厚，每啖都飲到濃厚嘅朱古力，甜度恰到好處有驚喜，但咖啡味可能被蓋過唔係好飲得出😅！ / ◽️甜品 🍌香蕉朱古力雪糕窩夫 $ 49 窩夫微暖加一球朱古力雪糕，香蕉是焦糖化配上朱古力醬口感豐富，味道中規中矩！ / 呢度嘆咖啡真係好享受，因為環境真係加左唔少分數，雖然未知主食味道如何🧐但情侶或朋友嚟影吓相傾吓偈總算可以放鬆一下！ ========================= 呼吸星球 (土瓜灣) 📍土瓜灣馬頭角道91號地舖 ⏰一至日 11:00～21:00 逢星期四休息 =========================
