紀念日想食餐好啲👫🏻！決定食日本正宗壽喜燒🍲，最後揀咗呢間中環出名Sukiyaki，上網睇過性價比最高係食晏晝時段，餐廳真係勁Full🤯要訂到位都要一個月前打電話，記得要講明係食Sukiyaki Set👅！ / 🐮Sukiyaki Set $580 + 牛舌 $100 座位係採用日式吧枱，重點係可以睇住日籍師傅主理😍 套餐由前菜到主角A4近江牛都超級精緻⋯ 牛肉一共有三個部位，分別係西冷、肉眼同肩位，每片牛肉油脂豐富 入口有即化感覺沾上蛋漿更其軟滑😛 另外加一份牛舌亦都有驚喜， 煮得夠爽脆👅 / 細心係每食完一款肉類師傅都會夾雜煮豆腐蔬菜類，味道唔會太過單一 ，而且有白飯提供，所以都唔會食到太油膩🥰，但記得唔好添太多白飯， 因為最後師傅會炮製碗滑蛋碎牛飯都係精粹之一嚟㗎！ 最後有埋雪糕做結尾，成件事好飽好幸福💗，不過加一服務不算太理想，收餐具收得太急令到食客覺得好大壓力呀，如果可以改善一下會更好🧐！ ========================= すき焼 森久 (中環) 📍中環卑利街51號地舖 ☎️2322 0800 ⏰一至六 12:00-15:00 / 18:00-23:00 =========================
