平時去饒宗頤文化館都係睇吓手作市集或者展覽，冇留意到原來嗰度有民宿🏡，叫做翠雅山房，仲有兩種特色主題房，一個田園風🪴，另一個民族風。小編今次介紹田園主題，啱晒偽文青去打卡，房間係波西米亞風格，有一個用網織成嘅搖籃椅，仲有好多特色擺設，天花板有乾花吊飾植物🌴。雖然啲屋仔睇落好殘舊，因為係歷史建築，但係房內嘅設施都好新淨又潔淨，冷氣夠大，只係間房比我想像中細🤏，諗住遠離繁囂但卻仍然有種壓迫感。不過接待處同走廊都有中式嘅庭園風格，可以俾人坐吓或打下卡。路線方面，饒宗頤文化館入去就係展覽廳，沿着梯級上，或者從升降機上會見到餐廳，果度有時會搞手作市集。至於翠雅山房，其實就在山頂🏔，上到中區從另一部升降機上去，仲要行一段梯級，幾經辛苦先可以住民宿，所謂遠離繁囂就係呢種體驗😎。翠雅山房特別在有寵物嘅休憩空間🐶🐱，所以佢哋歡迎住客帶埋寵物一齊嚟petcation，仲可以享有coffeeflow嘅雙人早餐☕️，9月30日前仲有九折優惠。☑️標準客房每晚$700☑️雅致套房每晚$1500📍饒宗頤文化館/翠雅山房 - 美孚青山道800號 @heritagelodge_hk @jtia.hk @coffeeflow.hk📮Follow @fm.feed ➡ to discover more appetizing foods香港美食原文: https://www.instagram.com/p/CUHN3HTBSbD點擊圖片放大 +7
